Mateu 27:22 - ICIGHAN BIBILO

²² Pilatu kaa a ve er: Tsô m̱ er a Yesu u i yer er Kristu la nana? Ve cii ve kaa er: I̱ mande Un sha terankon!

Mateu 27:22 Iomraidhean Croise

Yobu 31:31

aluer ior mba hen tenti wam vea kaa nahan ga yô, er: Or u nan idi sha iweryôron na i sha inyam ga yô, nan ngu je kpa?—

Yesaia 49:7

TER, Orpaan u Iserael, Icighan na ngu kaan a Or u i laha Un yum A ndôhôr ior asema la, Wanakiriki u mbatarev la er: Utor vea nenge vea mough sha, atiator kpaa nahan, vea gule inya vea civir, sha ci u TER u A lu u jighjigh, Icighan u Iserael, u A tsough U yô.

Sekaria 11:8

Tsô m wua mbakuranilev utar ken uwer môm; gadia m kera fatyô u wan ishima a ve ga, ve di kpaa m due ve ishima.

Mateu 1:16

Yakob mar Yosev, nom u Maria, ka Maria u a mar Yesu u i yilan Un er Kristu la.

Mateu 27:17

Nahan zum u ve kohol her imôngo yô, Pilatu pine ve er: Ka an man i lu ne pe m̱ dugh ne nana? Ka Baraba shinii, i̱ lu Yesu u i yer er Kristu laa?

Mateu 27:21

Gomna gema kaa a ve er: Ken a ve mba uhar mban yô, ka an man i lu ne pe m̱ dugh ne nana? Ve kaa er: Ka Baraba!

Mateu 27:23

A kaa er: Ka nyi kwaghbo a ere? Kpa ve seer genger amo taver taver, ve kaa er: I̱ mande Un sha terankon!

Marku 14:55

Upristi mba tamen man mkohol la cii, gba keren ityôkwagh sha Yesu, sha u vea wua Un yô, kpa ve zua a min ga.

YOHANE 4:25

Kwase la kaa a Na er: M fa Mesiya ngu van u i yer Un er Kristu la, zum u Un Una va va yô, Una pase se akaa cii.

Aerenakaa A Mbaapostoli 13:28

shin er ve zua a ityôikaa i i kom ku her a Na ga nahan kpaa, ve zamber a Pilatu er, i̱ wua Un.

Aerenakaa A Mbaapostoli 13:38

Nahan yô, anmgbianev, fa nen, ka ken a Na je man i lu yôôn ne mde u asorabo ye,