Mateu 27:19 - ICIGHAN BIBILO

¹⁹ Tsô er a tema sha ikônough nagh ki orjir yô, kwase na tindi loho her a na er: Dugh ave ou sha kwagh u Or u perapera la kera, gadia nyian tugh ican erem kpishi ken mnya sha ci Na.

Mateu 27:19 Iomraidhean Croise

Genese 31:11

Ortyom u Aôndo yilam ken mnyam ma cien mala er: Yakob; mo kpaa m rumun mer: Een.

Genese 31:24

Tsô Aôndo va hen Laban Orshiria la ken mnyam ma cien tugh, kaa a na er: Kura iyol you, de er ma kwagh a Yakob ga, shin a lu u doon shin a lu u bo kpaa ga.

Genese 31:29

M ngu a agee a eren ne kwagh u vihin; kpa Aôndo u ter wen, nyen ôr kwagh a mo tugh, kaa er: Kura iyol you, de er ma kwagh a Yakob ga, a lu u doon shin a lu u bo kpaa ga.

Anzaakaa 29:1

Or u i kôôm nan gbem kpa nan nembe ikôr her yô, á sombo nan fese, mwar á kera lu ga.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Numeri 12:6

A kaa er: Ungwa nen imo Yam yôô; aluer profeti a lu ken a ven yô, Mo TER Me pase iyol Yam her a na sha mpase u nengen a nenge a mi, Me ôr kwagh a na ken mnyam ma cien.

Mateu 1:20

Kpa ngur henen sha akaa ne nahan yô, ortyom u Ter va ande her a na ken mnya, kaa er: We, Yosev, wan u Davidi, de cie u eren kwase wou Maria ne ga, gadia kwagh u a jil un ken iyol la, ka u sha Icighan Jijingi je.

Mateu 2:19

Kpa Herode va kpe kera yô, ortyom u Ter za ande hen Yosev ken mnyam ma cien ken Igipiti,

Mateu 2:22

Kpa ongo er Arekilau tema tor ken tar u Yudia sha ityough ki ter na, Herode yô, a cia u zan ker; shi i wa un kwagh ken mnyam ma cien, nahan a kar a za nyôr ken tiôn u Galilia,

Mateu 27:18

Gadia a fa er i lu sha iwuhe man ve lu yilan Un ijir yô.

Mateu 27:24

Tsô er Pilatu nenge un kera fatyô ciôn kpaa ga, man er ayôôso kpaa lu hiin u taver yô, a tôô mngerem a ôô ave na sha ishigh ki ikpelaior, a kaa er: M ngu a ibo sha awambe a ishôôgh ne ga, mase shin kwagh wen.

Mateu 27:4

a kaa er: M er isholibo sha er m nenge mker sha awambe a or u ishôôgh yô. Kpa ve kaa er: Kwagh wase ngu sha mi hana? Mase shin kwagh wou tsô.

Luka 23:41

I yase ne yô, ka sha mi je, gadia se ngohol injar kuma sha akaa a se er vough, kpa Or ne yô, A er ma kwagh u lun kpe ga.

Luka 23:47

Tsô er torutya la nenge kwagh u a er la yô, a gba civir Aôndo, kaan er Or ne lu Or u mimi keng je.

YOHANE 19:13

Pilatu ongo akaaôron ne nahan yô, a due a Yesu ken won, a za tema sha ikônough ki orjir ki hen ijiir i i yilan er, vande man ken zwa u Heberu er, Gabata.

Aerenakaa A Mbaapostoli 12:21

Tsô sha iyange i i ver la, Herode haa akondo a tor za tema sha ikônough ki orjir, ôr kwagh a ve.

Aerenakaa A Mbaapostoli 18:12

Kpa zum u Galiou lu gomna sha Akaya la, Mbayuda mough, ta sha Paulu a ishima i môm ve va a na sha ishigh ki ikônough ki ijirigh,

Aerenakaa A Mbaapostoli 18:16

Tsô a zenda ve hen ikônough nagh ki orjir kera.

Aerenakaa A Mbaapostoli 18:17

Nahan ve cii ve kôr Sosetene, orvesen u shinagoge, ve gbidye un sha ishigh ki ikônough ki orjir la je. Akaa la nahan cii kpaa, Galiou wa iko sha a ga.

Aerenakaa A Mbaapostoli 25:10

Kpa Paulu kaa er: M ngu tilen sha ikônough ki orjir ki Shisar, ka keela i lu u á za ôr ijir yam ne keng je ye. M er Mbayuda ma kwaghbo ga, er we kpaa u fe doo doo nahan.

Aerenakaa A Mbaapostoli 25:17

Nahan er ve kohol her yô, m kera ngôôr je ga; kpa kper gen m tema sha ikônough ki orjir, m kaa mer, i̱ va a or shon.

Aerenakaa A Mbaapostoli 25:6

A mase teman her a ve ayange kera hemba anigheni shin pue ga tsô a mough a yem shin Sesaria; kper nan gen yô, a tema sha ikônough ki orjir, a kaa er i̱ va a Paulu.

1 Peteru 2:22

A er ma isholibo ga, icugh kpaa i zua a mi sha zwa Na ga.

1 Yohane 2:1

Mbayev av, akaa ne m ngu ngeren ne a sha u de kera eren nen isholibo ga yô. Aluer anti or nana er isholibo kpaa, se mba a Orwasen hen Ter, Yesu Kristu Orperapera.