Mateu 27:12 - ICIGHAN BIBILO

¹² Zum u upristi mba tamen man mbatamen gba wan Un akaa iyol yô, A bugh zwa sha ma kwagh ga.

Mateu 27:12 Iomraidhean Croise

Yesaia 53:7

I er Un ican je, nahan kpaa A rumun er i̱ hee Un, zwa tsô kpaa A bugh ga; er waniyôngo u i ze a mi sha u za sôngon yô, man er iyôngo ka i lu ving sha ishigh ki mbatôndon i aive nahan, kape A bugh zwa Na ga la.

Mateu 26:63

Kpa Yesu huan ving. Zegepristi la kaa a Na er: M zua U vea Aôndo u uma mer: Ôr se dedoo, U ngu Kristu Wan u Aôndo shinii?

Mateu 27:13

Tsô Pilatu kaa a Na er: U ngu ungwan er ve eren shiada sha akaa kpishi sha a we gaa?

Mateu 27:14

Nahan kpaa A bugh un zwa sha ma kwaghôron môm ga; nahan kpiligh gomna iyol.

Luka 23:9

A pine Un akaa kpishi; kpa A bugh un zwa sha ma kwagh môm ga.

Aerenakaa A Mbaapostoli 8:32

Ivurugh ki icighanruamabera ki a lu ôron yô, ka ki ne er: I ulugh Un er iyôngo i i ze a mi sha u za sôngon yô, man shi er waniyôngo ka a lu ving sha ishigh ki mbatôndon un aive nahan, kape Un kpaa A bugh zwa ga la.

1 Peteru 2:23

Zum u i laha Un kpaa mayange A or iyev sha mlaha la ga, er A ya ican kpaa A ta hwa ga, kpa A gema A wa sha ikev i Un u A er ijir sha mimi la.