Mateu 26:75 - ICIGHAN BIBILO

⁷⁵ Tsô Peteru umbur mkaanem ma Yesu kaa un la er: Ikegh ia lu a tôngo ga je tsô ú nyiman kwa tar wer, u fam ga. Tsô a due ken won, a gba za vaan tsung.

Mateu 26:75 Iomraidhean Croise

Mateu 10:33

Kpa hanma or u nana nyiman Mo sha ishigh ki iorough yô, ka di nan je Me nyiman nan sha ishigh ki Terem u A lu Sha kpaa ye.

Mateu 26:34

Yesu kaa a na er: Mimi je M kaan we ne, hen tugh mbun ne, er ikegh ia lu a tôngo ga je tsô, ú nyiman kwa tar je wer, u fam ga.

Mateu 26:74

Tsô a gba tuhwan man bumun kpaa kaan er: M fa Or shon ga. Fese nahan ikegh maa tôngo.

YOHANE 13:38

Yesu gema kaa er: Ú na uma wou sha ci Wama? Mimi mimi je M kaan we ne, nomikegh una lu a tôngo ga je tsô ú nyiman kwa tar je wer, u fam ga.

1 Mbakorinte 4:7

Ka an nan ver u u hembee? Ka nyi u lu a mi i u ngohol a ngohol ga? Man aluer u ngohol yô, ka nyi u gengese iyol er u ngohol a ngohol ga nahana?

Mbagalatia 6:1

Anmgbianev av, aluer a kohol or a ma gbev mbu nôngon ave yô, ne mba ne lu ken jijingi yô, kôôm nen imbaor la sha ishima i legh legh; kpa nenge sha iyol you sha er we kpaa i̱ de meen we ga yô.

1 Peteru 1:5

ne mba i kor ne sha agee a Aôndo sha jighjigh u nan, sha u ngohol myom u i kegh iyol i ver a ver u pasen un sha iyange i masetyô yô.