Mateu 26:61 - ICIGHAN BIBILO

⁶¹ Kpa ken masejime mbagenev za va uhar; ve kaa er: Or ne lu kaa er: Me fatyô u hemben tempel u Aôndo ne, Me shi Me maa un ayange atar.

Mateu 26:61 Iomraidhean Croise

Genese 19:9

Ve kaa er: Kpela keela. Shi ve kaa er: Or ne va shir tsô, man gema ngu veren iyol er un ngu orjir; yô, sé er u kwagh u bo á hemba u ve. Tsô ve imbishi or la, ka Loti je la, ve kporom sha u vihin hunda.

1 Utor 22:27

kaa nen ner, tor kaa nahan er: Wa nen or ne ken gaadi, koso nen un sha kwaghyan u ican kua mngerem ma icanem kpaa, zan zan me kar hiden bem bem.

2 Utor 9:11

Nahan Yehu due va hen mbayev mba ter na; ve pine un er: Ka bem kpa? Ka nyi orihundu ne a ve her a we? A kaa a ve er: Ne ayol a en kpaa ne fa inja i or la man kwaghôron na kpaa.

Yesaia 49:7

TER, Orpaan u Iserael, Icighan na ngu kaan a Or u i laha Un yum A ndôhôr ior asema la, Wanakiriki u mbatarev la er: Utor vea nenge vea mough sha, atiator kpaa nahan, vea gule inya vea civir, sha ci u TER u A lu u jighjigh, Icighan u Iserael, u A tsough U yô.

Yesaia 53:3

I laha Un, ior kpaa ta Un kera; lu or u yan ican, hool Un a angev kpaa, A lu er or u ior ve gem ishiv vev hen nan kera yô; i laha Un man se kpaa se wa Un iko ga.

Mateu 12:24

Kpa Mbafarishi mba ongo nahan yô, ve kaa er: Un gbe dughun ujijingi mba bov kera ga, saa di sha Belesebu, tor u ujijingi mba bov la.

Mateu 26:62

Tsô zegepristi mough tile sha, kaa a Na er: U shi bughun zwa sha ma kwagh je gaa? Ka nyi kwagh man mban ve eren shiada sha a We nahana?

Mateu 26:71

Tsô ngur van u duen sha puadwer yô, wankwase ugen nenge a na, shi kaa a mba ve lu her la er: Or ne kpaa lu a Yesu, Or u Nasareti ne imôngo.

Mateu 27:40

ve kaa er: We u U hemben tempel, shi U maa un ayange atar ne, yima ase iyol You ga! Aluer wea lu Wan u Aôndo yô, hungwa sha terankon.

Mateu 27:5

Tsô a tsenda agbenger azurfa la ken tempel, maa a yem, a kar a za sende iyol na.

Marku 14:58

Se ungwa A kaa er: Me hembe tempel u i maa un sha ave ne, ayange atar Me shi Me maa ugen u a lu sha ave ga yô.

Marku 15:29

Mba ve lu karen her yô, ve ôr akaa a dang sha a Na, ve gba jingir ityouv, kaan er: We u U hembe tempel, shi U maa un ayange atar ne,

Luka 23:2

Ve gba sendegh Un er: Or ne yô, se kohol Un tsughun nongo wase, yangen er i̱ de te Shisar kpandegh ga, kaan er, Wen iyol Na Un ngu Kristu tor je.

YOHANE 9:29

Se fa Aôndo ôr kwagh a Mose kpa Or ne yô, se fa ape A dugh ga.

Aerenakaa A Mbaapostoli 17:18

Man mbafankwagh mbagenev ken nongo u Epikuria man u Setoika kpaa ve za ya gadoga a na. Tsô mbagenev kaa er: Orlyam ne yô, ka un ka ôron nyi? Mbagenev gema kaa er: Ngu er ka or u pasen kwagh u mbaaôndo mba hev, lu sha ci u a lu ôron kwagh u Yesu man mnder u shin mbakpenev yô.

Aerenakaa A Mbaapostoli 18:13

ve kaa er: Or ne ngu urugh ior sha u ve̱ civir Aôndo, kpa ka sha gbenda u atindigh ga.

Aerenakaa A Mbaapostoli 22:22

Ve lu veren ato sha a na zan zan ar hen tiônkwaghôron ne tsô ve maa ve gba genger imo, kaan er: I̱ kar a injaor ne sha won kera gadia doo u una lu uma ga.