Mateu 26:56 - ICIGHAN BIBILO

⁵⁶ Kpa kwagh ne cii er sha er uruamabera mba uprofeti ve̱ kure sha mi vough yô. Hen shighe la je, mbahenen mbala cii undu Un yevese.

Mateu 26:56 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Yesaia 44:26

M taver kwaghôron u wanakiriki Wam, M kur kwagh sha imo i mbatyomov Av vough; M kaa a Yerusalem Mer: Ior ve̱ tema ker; man a agar a Yuda kpaa, Mer: I̱ maa a her, Me shi Me maa atse a na,

Ukwelegh 4:20

Iôôn i ahenga ase, un u TER A shigh un mkurem la, ve kôr un shin ahungwa a ve, u se fa ser, ka ken mure na sé tema ken akuraior ye.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Daniel 9:26

Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 21:42

Yesu kaa a ve er: Shin icighanruamabera ne, ne ôr un gaa? Er: Iwen i mbamaan ve venda i la, ka i je, i hingir i sha zongo ye, ka Ter je A er kwagh ne ye, gema ka kwagh u kpilighyol sha ashe ase.

Mateu 26:24

Wan u or ngu zan er i nger sha a Na nahan, kpa kwagh á tser or u nan nenge mker sha a Na la; ka u ma i mar nan ga la, ma i lu nan guda ye.

Mateu 26:31

Tsô Yesu kaa a ve er: Hen tugh mbun, ne cii á na ne anzughul sha kwagh Wam, gadia i nger er: Me gbidye orkuranilev, ilev mbi ken ikum la mbia sambe.

Mateu 26:54

Tsô á er nan icighanruamabera una kure sha mi vough, u a kaa er, á er nahan keng, laa?

YOHANE 16:32

Nenge, shighe ngu van, a ar je ve u á sambe ne, hanma or nana yem kwagh u nan, né mase undun Mo tswen; nahan kpaa M ngu tswen ga, gadia Ter ngu vea Mo.

Aerenakaa A Mbaapostoli 1:16

Ne anmgbianev, kwagh u icighanruamabera kaa yô, lu u una kure sha mi vough keng, sha kwaghôron u Icighan Jijingi u Davidi gema ôr la, sha kwagh u Yuda u a lu orhemen gbenda u mba ve kôr Yesu la.

Aerenakaa A Mbaapostoli 2:23

ka Un u i na Un sha awashima u Aôndo man sha mvandefan Na la je, ne mande Un sha terankon sha ikev i aferaior, ne wua Un kpaa ye,

WASHIKA U SHA UHAR U PAULU APOSTOLI TINDI HEN TIMOTEU - 2TI 4:16

Sha iyolpalegh yam i sha hiihii yô, ma or ta ken mo ga, i kendem tswen, kpa i̱ de ne ve ibo sha mi ga.