Mateu 26:55 - ICIGHAN BIBILO

⁵⁵ Hen ihwa la je Yesu kaa a ikpelaior la er: Ne va a usanker man agudô sha u va kôron Mo, er ka or u numun gbenda yôô? Hanma iyange kpaa M teman ken tempel, M tesen, kpa ne kôrom ga.

Mateu 26:55 Iomraidhean Croise

Mateu 21:23

Tsô nyer ken tempel yô, upristi mba tamen man mbatamen mba nongoior la va her a Na zum u A lu tesen ave la, ve kaa er: Ka sha tahav mbu nyi man U eren akaa ne? Man ka anti nan ne U tahav mbunu?

Mateu 26:47

Er lu ôron ave la je, tsô Yuda, u môm ken mba pue kar uhar mbala za va, ikpelaior kpishi lu a na ijime imôngo a usanker man agudô; ve due hen upristi mba tamen man mbatamen mba nongoior la.

Marku 10:1

A mough keela A va ken tar u Yudia man shi yande Yordan; ikpelaior kpishi shi zua her a Na; A shi A gba tesen ve sha ieren Na.

Marku 12:35

Zum u Yesu lu tesen ken tempel la, A gema A kaa er: Hii nan man mbangeren ve kaan er: Kristu ka Wan u Davidi?

Luka 19:47

A gba tesen ken tempel ayange ayange; kpa upristi mba tamen man mbangeren man mbatamen gba keren u ma ve woo Un.

Luka 20:1

Tsô sha iyange igen i ken ayange la, er lu tesen ior ken tempel, man ôron Loho u Dedoo yô, upristi mba tamen man mbangeren kua mbatamen va, va tile heregh;

Luka 4:20

Tsô A hure Ruamabera, A gema A na ortom la, A hire A tema inya. Mba ken shinagoge cii ve haa ashe sha a Na.

YOHANE 7:14

Kpa mba eren iniongo i ze dôghôô, Yesu za nyôr ken tempel, gba tesen ior.

YOHANE 7:28

Tsô er Yesu lu tesen ken tempel yô, A taver imo genger genger er: Ne fam, shi ne fa henpe M dugh kpaa; Mo kpaa M gba van sha ishima Yam tsô ga, kpa Un u A tindim la, ka u mimi je, kpa ne ne fa Un ga.

YOHANE 8:2

Kper nan pepe pepe nahan Yesu shi va nyôr ken tempel, ior cii va her a Na; tsô A tema A gba tesen ve.

YOHANE 8:20

Mkaanem man A ôr ken iyounyar zum u lu tesen ken tempel la. Nahan kpaa ma or kôr Un ga, sha ci u shighe Na lu a kuma ga yô.