Mateu 26:52 - ICIGHAN BIBILO

⁵² Tsô Yesu kaa a na er: Wa sanker wou ken vaa, gadia mba ve tee sanker cii á wua di ve sha sanker.

Mateu 26:52 Iomraidhean Croise

Genese 9:6

Or u nan hee awambe a or inya yô, shi ka sha ikev i or á haa di awambe a nan inya ye; gadia ka sha mlu u Aôndo je, A er or ye.

Upasalmi 55:23

Kpa We, Aôndo, Ú sen a ve shin ihungwa i mtim ior mba haan awambe man mba wan atseregh yô, vea kporom a ayange a uma ve ken hemen ga. Kpa mo yô, me suur sha a We. Ngun ka sha ci u orhemen u mbawanatsam, i ver un sha imo i: Ikungugh ki hen ikon i terebin ken ca. Ka Pasalmi u Davidi. Ka icam i a dugh zum u Mbafiliti kôr un ken Gati la

Ekesodu 21:12

Or u nan gbidi or je nan kpe yô, i̱ wua nan kpee je.

Mateu 5:39

kpa Mo yô, M kaan ne Mer: De hendan nen a or u ifer ga; kpa hanma or u nana ta u sambe sha hengegh ku yanegh yô, gema nan kugenegh kpaa.

Mbaromanu 12:19

Ne mbadoon mo ishima, de oron nen iyev sha kwagh wen ga, kpa na nen iyugh i Aôndo ian, gadia i nger er: Ka Mo Me or iyev ye, ka Mo Me kimbi ye, kape Ter A kaa la.

1 Mbatesalonika 5:15

Nenge nen sha er ma or nana̱ de ôron iyev i ifer sha ifer ga. Nôngon nen sha kwagh u doon gbem je hen a ven ayol a en man shi a mbagenev cii kpaa.

1 Peteru 3:9

De kera oron iyev sha ifer ga shi de kera oron iyev sha ityuhwan kpaa ga, kpa gema veren nen a ver ior dedoo, gadia ka sha kwagh ne je i yer ne ye, sha u né ya dyako u iveren i dedoo yô.

Mpase U Yohane 13:10

Aluer i ver or sha ci u uikangen yô, ka ken uikangen je nana za keng ye. Aluer or nana wua sha sanker yô, nan di kpaa á wua nan sha sanker keng. Ka sha kwagh ne man ishima i taver i uicighanmbaiorov man jighjigh ve u nan a lu ye.

Mpase U Yohane 16:6

Gadia ve haa awambe a uicighanmbaiorov man uprofeti kpaa, nahan U na ve awambe Wer, ve̱ ma. Kwagh ne kuma sha a ve je.