Mateu 26:45 - ICIGHAN BIBILO

⁴⁵ Tsô A va hen mbahenen mbala, A va kaa a ve er: Gba yaven nen tsô, mem nen, nenge, shighe kuma ve, mba nan Wan u or sha ikev i mbaasorabo.

Mateu 26:45 Iomraidhean Croise

1 Utor 18:27

Tsô ka kom er iyange sha tembe nahan yô, Eliya gba nahan ve tar, kaan er: Genger nen imo, gadia un ka aôndo ga; alaghga ngu henen kwagh, shin a ta ibalegh, shin a yem zende, shin alaghga ngu yaven; saa á nder un.

Orpasenkwagh 11:9

Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

Mateu 26:18

A kaa er: Za nen ken gar hen via la, za kaa nen un ner: Ortesen kaa er: Shighe Wam mgbôghom; yô, ka hen ya wou Me ya Paseka a mbahenen Av imôngo ye.

Mateu 26:2

Ne fa ayange aa kar ahar yô, Paseka una kuma; nahan á na Wan u or sha u i̱ za mande Un sha terankon.

Mateu 26:44

A undu ve, A yem, A za er msen u sha kwa tar, A kimbir mkaanem ma ashen la.

Mateu 26:46

Mough nen sha, se yem nen; nenge, u a nengen mker sha a Mo la, mgbôghom.

Marku 14:35

Tsô kporom sha hemen kpeghee yô, A gba hen inya, A er msen er, a fetyô yô, shighe la ma a kar Un kera.

Luka 22:53

Er M lu a ven ken tempel ayange ayange, ne za ave sha u kôron Mo ga; kpa shighe ne ka shighe wen je ne, man ka shighe u tahav mbu imegh kpaa.

YOHANE 12:23

Kpa Yesu gema kaa a ve er: Shighe kuma u a na Wan u or icivir ve.

YOHANE 12:27

Hegen ishima ngi tan Mo kwe, tsô shi Me kaa nana? Tere, yimam due a Mo hen shighe ne kera! Kpa ka sha ci u kwagh ne je man M ve hen shighe ne ye.

YOHANE 13:1

Tsô er iyange i iniongo i Paseka lu a kuma ga la er Yesu fa shighe Na kuma u Una due shin tar ne, Una yem hen Ter yô, er ior Nav mba ve lu shin tar ne ve doo Un ishima zan zan ar sha mkur je.

YOHANE 17:1

Zum u Yesu ôr akaa ne kera yô, A kende ashe Sha, a kaa er: Tere, shighe kuma, na Wan Wou icivir, sha er Wan Wou kpaa A̱ na U icivir yô,