Mateu 26:40 - ICIGHAN BIBILO

⁴⁰ Tsô A va hen mbahenen mbala, A va kohol ve ve lu yaven; tsô A kaa a Peteru er: Ku! Ihwa i môm tsô kpaa ne fatyô u kuran a Mo imôngo gaa?

Mateu 26:40 Iomraidhean Croise

1 Utor 20:11

Nahan tor u Iserael gema kaa er: Za kaa un: Or u nan kange a kange iyol i utya yô, nana̱ de te ihagh er or u nan vande eren ikav kera la ga.

I Solomon 5:2

M gba mnyam, kpa ishima yam yô, lu per. Ungwa! u a doom ishima la! Ngu manden uwegh kaan er: Bughum hunda, anngômkwase, udoon mo ishima, atii wam u lun jighilii; gadia ityough yagh heen sha avure, amôghol a icee a am kpaa aberamnger a utu nga sha mi.

Mateu 25:5

Tsô er orkwasehe timbir u van yô, ve cii ve meer mnyam, ve yav.

Mateu 26:35

Peteru kaa a Na er: Shin a lu u m̱ kpe a We imôngo keng kpaa, mayange me nyiman We ga. Kape mbahenen cii kpaa ve kaa la.

Mateu 26:38

Tsô A kaa a ve er: Ishima vihin tsung je ar ken ku, tema nen heen, kura nen a Mo imôngo.

Mateu 26:41

Yô, kuran nen, eren nen msen sha er né gba ken imeen ga yô, jijingi yô, rumun, kpa iyol yô, ngi a agee ga.

Mateu 26:43

A shi a va, A va kohol ve, ve lu yaven, gadia ashe yuhwa ve ikôl.

Marku 14:37

Tsô A va, A va kohol ve ve lu yaven; A kaa a Peteru er: Shimon, u ngu yavena? Ihwa i môm tsô kpaa u fatyô u kuran gaa?

Luka 22:45

Moughon hen msen yô, A va hen mbahenen mbala, A kohol ve, ve lu yaven sha ci u ishima i vihin.

Luka 9:32

Tsô Peteru man mba ve lu a Na yô, ve lu meer mnyam; kpa mba nderen yô, ve nenge a iengem Na, kua ior ihiar mba ve tile a Na imôngo la.

Mbaajiriv 9:33

nahan pepe er iyange ka i due nahan la mough ta num sha gar; tsô zum u un a ior mba ve lu a na vea duen u nôngon ityav a we yô, ú er a ve er u nenge i doo u u eren la.