Mateu 26:39 - ICIGHAN BIBILO

³⁹ Tsô A kporom sha hemen kpeghee, A gure a suwa ityough inya, A er msen, A kaa er: Terem, aluer a fatyô yô, iyongo ne ma i karem kera; nahan kpaa i̱ de eren sha ishima Yam ga, i̱ er sha ishima You.

Mateu 26:39 Iomraidhean Croise

Genese 17:3

Tsô Aberam gure wa ityough inya, Aôndo gema ôr kwagh a na kaa er:

2 Samuel 15:26

kpa aluer Una kaa er: Doom a we ga yô, nahan mo m ngun, A̱ gba eren a mo sha ishima Na tsô.

1 Kroniku 21:16

Davidi kenden ashe sha yô, a nenge a ortyom u TER tile hen ato, undu inya shin undu aôndo Sha, a tsuwa sanker, lu a mi sha uwe, a naregh sha Yerusalem. Tsô Davidi kua mbatamen va gure, ve kuma ishiv vev inya a akondo uya.

Yesaia 50:5

Ter Aôndo bugh ato Am, M hendan ga, M hide ijime kpaa ga.

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Esekiel 1:28

Lu er mluashe u ikume ken ibeen sha iyange i ura u nee yô, kape mluashe u iengem i i kase i tser la, i lu la. Kape m-ande u mluashe u icivir i TER a lu la. Zum u m nenge a mi yô, m gba, m kuma ityough inya, man m ungwa imo i or, lu ôron kwagh.

Numeri 14:5

Tsô Mose vea Aron ve gure ve kuma ishigh inya sha ishigh ki mkohol u ior i Mbaiserael cii.

Numeri 16:22

Kpa ve gure ve kuma ishiv inya, ve kaa er: Ahii! Aôndo u ujijingi mba uumace cii, or môm nan er kwaghbo, tsô Ú gema Ú yuwe ior cii?

Mateu 20:22

Kpa Yesu gema kaa er: Ne fa kwagh u ne sen ga. Ne fatyô u man iyongo i Me ma i la kpa? Ve kaa er: Se fatyô.

Mateu 24:24

Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

Mateu 26:42

A shi A yem mze u sha kwa har la, A er msen, A kaa er: Terem, aluer iyongo ngin ia fatyô u karen Mo ga, saa Me ma i keng yô, i̱ er ishima You!

Marku 13:22

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

Luka 17:16

a va gba inya a cir ishigh inya hen angahar a Na; ngula yô, lu or u Samaria je.

YOHANE 11:41

Tsô ve tôô iwen la kera. Yesu kende ashe sha kaa er: Tere, M sugh U er U ongom yô;

YOHANE 14:31

kpa tar u̱ fa er Ter A doom ishima, man shi M eren er Ter A wem kwagh yô. Mough se yem nen heen kera.

YOHANE 18:11

Nahan Yesu kaa a Peteru er: Wa sanker wou ken var. Iyongo i Ter A nem yô, Me ma i gaa?

YOHANE 5:19

Nahan Yesu gema kaa a ve er: Mimi mimi je, M kaan ne ne, Wan Una fatyô u gban eren ma kwagh iyol Na ga, saa kwagh u A nenge Ter A eren la; gadia akaa a A eren la, Wan kpaa eren a nahan vough je.

YOHANE 5:30

Mo yô, M fatyô u eren ma kwagh sha tahav Av iyol Yam ga. Er M ongo nahan, kape M er ijir kpaa la; man ijirôron Yam ka i mimi, gadia M keren u eren ishima yam ga, kpa ka ishima i Un u A tindim la.

YOHANE 6:38

Gadia M sen Sha, ka sha u Me er ishima Yam ga, kpa ka u eren ishima i u A tindim la.

Aerenakaa A Mbaapostoli 10:25

Tsô Peteru va nyer yô, Korneliu za kegh un gbenda, gure un inya sha ishi, ta un inya.

Mbafilipi 2:8

Man er i va zua a Na a mluyol er or nahan yô, A hide a iyol Na ijime, hingir u ungwan kwagh zan zan ar ken ku, man lu ku u terankon je.

Mbaheberu 5:7

Sha ayange a Yesu lu ken mlu u or la yô, A eren mbamsen man uzamber sha imo i genger genger man shi a mliam ashe kpaa. A sôn Un u A fatyô u yiman Un ken ku la, man i ungwa Un kpaa sha ci u mcieaôndo Na la.

Mpase U Yohane 19:10

Nahan m gba inya, m cir ishigh inya hen angahar a na, sha u me civir un. Kpa a kaa a mo er: De eren nahan ga! M ngu ortom a we imôngo kua anmgbianev ou mba ve lu a shiada sha kwagh u Yesu la kpaa. Civir Aôndo. Gadia ka shiada u sha kwagh u Yesu a lu jijingi u akaaôron a profeti ye.