Mateu 26:33 - ICIGHAN BIBILO

³³ Kpa Peteru gema kaa a Na er: Shin er ve cii á na ve anzughul sha kwagh Wou kpaa, mo yô, mayange á nam anzughul ga!

Mateu 26:33 Iomraidhean Croise

Upasalmi 17:5

Angahar a am var sha igbenda You, angahar a am a dolough ga.

Anzaakaa 20:6

Ior kpishi mba pasen erdoo ve ken igbar; kpa or u jighjigh yô, ka an nana zua a mini?

Yeremia 17:9

Ishima i wa atseregh je hemba hanma kwagh cii, i vihi je gande; ka an nana fatyô u fan i?

Mateu 26:32

Kpa Me nderen shin ku kera yô, Me hemen a ven u zan sha Galilia.

Mateu 26:34

Yesu kaa a na er: Mimi je M kaan we ne, hen tugh mbun ne, er ikegh ia lu a tôngo ga je tsô, ú nyiman kwa tar je wer, u fam ga.

Marku 14:29

Kpa Peteru kaa a Na er: Shin á lu ve cii á na ve anzughul kpaa, mo yô, ze.

Luka 22:33

A kaa a Na er: Tere, m rumun u nyôron a We ken gaadi imôngo, kua ken ku je kpaa.

YOHANE 21:15

Mba ye kwagh kera yô, Yesu kaa a Shimon Peteru er: Shimon, wan u Yona, M hemba doon we ishima a mbana? A kaa a Na er: Een, Tere, U fa er U doom yô. A kaa a na er: Koson Mo aniyôngov av.

Mbaromanu 12:10

Doo nen ayol a en tsung sha dooshima, hemen nen sha u nan ior icivir.

Mbafilipi 2:3

De eren nen kwagh sha u wan ayol a en iko tseegh shin sha u keren icivir i gbilinigh kpaa ga, kpa hide nen ayol a en ijime; hanma or nana̱ nengen er orgen hemba nan yô.