Mateu 26:31 - ICIGHAN BIBILO

³¹ Tsô Yesu kaa a ve er: Hen tugh mbun, ne cii á na ne anzughul sha kwagh Wam, gadia i nger er: Me gbidye orkuranilev, ilev mbi ken ikum la mbia sambe.

Mateu 26:31 Iomraidhean Croise

Upasalmi 38:11

Mbadoon mo ishima man akar a am mba nyaghen mo sha ci u uange; ityô yam kpaa tile ca.

Upasalmi 69:20

Iheen nam ishimavihin je, kondo iyol, agee kera ngam iyol ga; M ker mba mhôônom ma kôr ve a mo, kpa mô lu ga, mbasurun mo ishima kpaa, m zua a min ga.

Upasalmi 88:18

U paven a or u doon mo ishima man ijende yam, U ver ve ca je; mba m fe ve kpaa mba ken ime. Ka ityesen i Etan, Oresera

Yesaia 53:10

Nahan kpaa lu ishima i TER je u vihin Un iyol; A haa Un angev iyol kpaa; shighe u Una gema iyol Na Una na nagh sha mi sha ci u isholibo yô, Una nenge a tsombor Na; Una tsa sha won, man á kpe kwagh u TER A ver ishima sha mi la iyol sha uwegh Nagh;

Ukwelegh 1:19

M yila mba ve doom ishima la, kpa ve tsughum a tsugh; upristi man mbatamen av ve kpe ken gar, er ve lu keren kwaghyan sha u taver uuma vev yô.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 11:6

Man or u nana nôngo gbev ken a Mo ga yô, á saan nan iyol.

Mateu 26:24

Wan u or ngu zan er i nger sha a Na nahan, kpa kwagh á tser or u nan nenge mker sha a Na la; ka u ma i mar nan ga la, ma i lu nan guda ye.

Mateu 26:56

Kpa kwagh ne cii er sha er uruamabera mba uprofeti ve̱ kure sha mi vough yô. Hen shighe la je, mbahenen mbala cii undu Un yevese.

YOHANE 16:32

Nenge, shighe ngu van, a ar je ve u á sambe ne, hanma or nana yem kwagh u nan, né mase undun Mo tswen; nahan kpaa M ngu tswen ga, gadia Ter ngu vea Mo.