Mateu 26:3 - ICIGHAN BIBILO

³ Tsô upristi mba tamen kua mbatamen mba nongoior la, ve za kohol hen tembe u zegepristi u i yilan un er Kayafa la.

Mateu 26:3 Iomraidhean Croise

Upasalmi 56:6

Ve zua imôngo, ve yer, ve ver ishima sha zende wam, kape ve meen uma wam la.

Yeremia 11:19

Kpa mo m lu er waniyôngo u sulan or yô, u i ze a mi hen ijiir i sôngon un yô; m kera fa er ve we kwaghbo ishima a mo nahan ga, er: Sé tim nen kon kua atam a u, man shi sé paa un sha tar u mbaumav kera, i̱ de kera umbur iti na ga.

Yeremia 17:27

Kpa aluer nea ungwam ga, nea rumun u tseghan iyange i memen ga, man u den ikav mbi tôôn nyôron a mi hen ihinda i Yerusalem sha iyange i memen ga, nahan Me keer usu hen ihinda na, ua hia ayou a utor a Yerusalem, á kera pir u kpaa ga.

Mateu 26:69

Yô, Peteru tema hen tembe ken won. Wankwase ugen za va her a na, va kaa er: We kpaa, u lu a Yesu, Or u Galilia ne imôngo!

Mateu 27:27

Tsô mbautyav mba gomna nyôr a Yesu ken iyoujir, ve kohol ikum i mbautyav cii her a Na.

Marku 14:54

Kpa Peteru lu dondon Un ken ica zan zan ken atô u tembe u zegepristi la, za tema a udugwer imôngo, gba ôson usu.

Marku 14:66

Yô, Peteru lu ken won ken tembe; tsô wankwase ugen u ken mba ve eren zegepristi tom la, va.

Marku 15:16

Tsô mbautyav yem, a Na ken iyou, ka iyoujir je la, ve yila mbautyav cii, va kohol imôngo.

Luka 22:55

Er ve keer usu ker atô tembe man ve kohol ve tema imôngo yô, Peteru kpaa tema a ve heregh.

Luka 3:2

sha ayange a Ana man Kayafa lu uzegembaupristi la yô, mkaanem ma Aôndo va hen Yohane, wan u Sekaria, ken taaikôngo.

YOHANE 11:57

Upristi mba tamen man Mbafarishi vande yôôn er, aluer or nana fa ape A lu yô, nana̱ pase, sha u vea kôr Un yô.

YOHANE 18:24

Tsô Ana tindi i̱ za a Na uikangen hen Kayafa, zegepristi la.

YOHANE 18:28

Nahan ve mough a Yesu hen Kayafa, ve nyôr a Na ken ya u gomna; lu pepe je; kpa ve ayol a ve yô, ve nyôr ken ya u gomna la ga, sha u ve̱ de hôngor ayol a ve ga, sha u vea fatyô u za yan Paseka yô.