Mateu 26:29 - ICIGHAN BIBILO

²⁹ Kpa Me kaa ne, mayange Me kera ma zar u atam a kon u wain ne ga zan zan sha iyange i Me ma u hegh a ven imôngo sha tartor u Terem.

Mateu 26:29 Iomraidhean Croise

Upasalmi 104:15

man zar u wain sha u nan or msaanyol, man mkurem sha u engem or ishigh, man ruam sha u taver or ishima yô.

Upasalmi 4:7

U nam iember ken ishima i hemba i ve shighe u iyiagh vegh man wain ve ngee la.

Upasalmi 40:3

A na, m dugh icam i he, ka icam i wuese Aôndo wase je la. Ior kpishi vea nenge, vea cia, vea suur sha TER.

I Solomon 5:1

M va ken sule wam, anngômkwase, kwasehe, m kohol mire wam kua ilyôghonov yav; m ya ikpayough kua zaryoughough wam; m ma wain wam kua atumbabua am. Ya nen ase akar, ma nen, een, ma nen i̱ kuma ne, ne mbadoonshima.

Yesaia 25:6

Sha uwo ne TER u akum a Sha Una yôr akuraior cii iwer sha akaa a wan ahôm, iwer i sha wain u atse a akase na, sha akaa a ahômough a a mgbough a mshiam, sha wain u tse u i kase un dedoo yô.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Sefania 3:17

TER, Aôndo wou, ngu ken atô wou, Orutaha u Una yima yô; Una ember we a iember, Una mem ken dooshima Na, Una ember we a icam i wan.

Sekaria 9:17

Mdoom vem gba ikôr, mdooashe ve kpaa vese gande! Samuyia ua er mbayevikaior man wain u he kpaa una er mbayevkasev vea gume.

Mateu 13:43

Shighe la mbaperapera vea engem er ka iyange nahan sha tartor u Ter ve. U nan lu a ato a ungwan yô, nana̱ ungwa.

Mateu 16:28

Mimi je M kaan ne ne, mba ve til heen ne, mbagenev ker ka mba vea bende a ku je ga, saa vea vande nengen a Wan u or Una lu van ken tartor Na ve.

Mateu 18:20

Gadia her ape ior ihiar shin itiar ve kohol ken iti Yam yô, Mo kpaa M ngu ve her atô je.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 26:28

gadia ka awambe Am a ikuryan je ne, a i hee a sha ci u ior kpishi sha u den asorabo.

Mateu 26:30

Mba we icam kera yô, ve due, ve za sha uwo u Olev.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Marku 14:25

Mimi je M kaan ne ne, mayange me kera ma zar u atam a kon u wain ne ga, zan zan iyange i Me ma u hegh sha tartor u Aôndo.

Luka 12:32

Ne anikumuile u kpeghee ne, de cie nen ga! Gadia i doo Ter wen u nan ne tartor la.

Luka 15:32

Kpa ka u i̱ saan se iyol keng, se̱ ember, gadia anngôu ne lu kpe, a shi a hingir uma; a saa, i shi i zua a na kpaa.

YOHANE 15:11

Akaa angan M ôr ne sha er iember Yam i̱ lu ken ven, iember yen i̱ hôm kpaa yô.

YOHANE 16:22

Nahan ne kpaa, asema nga vihin ne hegen, kpa Me shi Me nenge a ven, nahan asema a en kpaa aa ember, ma or kpaa nana bunde ne iember yen ga.

YOHANE 17:13

Kpa hegen yô, M ngu van hen we, man akaa angan M ngu ôron shin tar ne sha er vea iv a iember Yam gbing yô.

Aerenakaa A Mbaapostoli 10:41

kpa kera lu hen nongoior la cii ga, saa hen mbashiada mba Aôndo vande sangen ve la, ka se je ne, se mba se ya kwagh shi se ma kwagh a Na imôngo, zum u A nder shin mbakpenev kera la.

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.

Mpase U Yohane 14:3

Ve lu wan icam i he sha ishigh ki ikônough ki torough kila man sha ishigh ki akaauma a anyiin la man mbatamen kpaa. Ma orgen fatyô u rumun icam la ga, saa di mba dubu deri man akunduahar kar unyiin mbala mba i paa ve shin tar la tseegh.

Mpase U Yohane 7:17

gadia Waniyôngo u A lu ker atô u ikônough ki torough la Una hemen ve, Una za a ve hen ambor a mngerem ma umam, Aôndo Una ese ve mliam sha ashe kera cii.