Mateu 26:28 - ICIGHAN BIBILO

²⁸ gadia ka awambe Am a ikuryan je ne, a i hee a sha ci u ior kpishi sha u den asorabo.

Mateu 26:28 Iomraidhean Croise

Yeremia 31:31

Nenge, ayange nga van, kape TER A kaa ne, a Me ya ikuryan i he a ya u Iserael kua ya u Yuda;

Levitiku 17:11

Gadia uma u inyam yô, ka ken awambe a lu ye, Mo M na ne a sha atse a nanden nagh sha mi, sha u nan iwom a mi sha ci u uuma enev; gadia awambe nga ne iwom sha uma u a la.

Sekaria 9:11

We kpaa, sha ci u awambe a ikuryan you la yô, M pase mbauikangenev ou mba ve lu shin ihungwa i lun a mngerem shimi ga la, M tuhwa.

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

Mateu 26:27

Shi A tôô iyongo, sughun yô, A na ve, A kaa er: Ne cii ma nen shimi;

Mateu 26:29

Kpa Me kaa ne, mayange Me kera ma zar u atam a kon u wain ne ga zan zan sha iyange i Me ma u hegh a ven imôngo sha tartor u Terem.

Mateu 6:12

man de se anzô ase di er se kpaa se deen mba ve gbe anzô hen vese la nahan;

Marku 1:4

Yohane va, lu eren batisema ken taaikôngo, lu ôron kwagh u batisema u mgemshima sha u den asorabo.

Marku 14:24

A kaa a va er: Ka awambe Am a ikuryan i he je ne, a i hee a sha ci u ior kpishi.

Luka 22:19

Shi A tôô bredi, sughun Aôndo yô, A coon, A na ve, A kaa er: Ngun ka iyol Yam je ne, [i i ne sha ci wen; eren nen kwagh ne sha u umbur Mo.

Luka 22:20

Iyongo di kpaa nahan, er kwaghyan bee kera yô, A kaa er: Iyongo ne ka ikuryan i he i ken awambe Am a i hee sha ci wen ne.]

Mbaromanu 5:15

Kpa iwua i sha mrumun u sha mhôôn la ngi inja i môm a mper u i per tindi la ga, gadia aluer sha tindi u peren u or môm la ior kpishi gema kpe yô, nahan mrumun u sha mhôôn u Aôndo man iwua i sha mrumun u sha mhôôn u Or môm, ka Yesu Kristu je la, ve hemba heera ica je, dumbur sha ior kpishi.

Mbaromanu 5:19

Gadia er ior kpishi ve hingir mbaasorabo sha ihembeato i or môm yô, kape ior kpishi di ve hingir mbaperapera sha iko i wan i Or môm kpaa la.

1 Mbakorinte 11:25

Mba ye kwaghyan kera yô, A tôô iyongo nahan vough A kaa er: Iyongo ne yô, ka Ikuryan i he i sha awambe Am. Eren nen kwagh ne sha u umbur Mo sha hanma shighe u nea maan i cii.

Mbaefese 1:7

Ken a Na yô, se mba a mpaa u sha awambe Na man shi mde u gbev mbu nôngon sha mrumun Na u sha mhôôn u ngeen yum la,

Mbakolose 1:14

Ka ken a Na man se lu a mpaa ye, ka mde u asorabo je la.

Mbakolose 1:20

Man er A va a bem sha awambe a sha terankon Na la yô, lu sha a Na je man Aôndo hime akaa cii a iyol Na ye, akaa a a lu shin tar man akaa a a lu Sha kpaa.

Mbaheberu 10:29

Ne mba nengen nana? Or u nan ndyar Wan u Aôndo shin angahar a nan shi nan nenge er awambe a ikuryan a i tsegh nan sha mi la ka kwagh u hôngorough man shi nan laha Jijingi u mhôôn la yô, mtsaha u nan una kpen vihin nan sha wonoo?

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.

1 Yohane 2:2

Ka Un je A lu iwom i asorabo ase ye, man ka a ase tseegh ga, kpa ka a tar cii je.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.

Mpase U Yohane 7:9

Ken masetyô u akaa ne yô, m ver ashe, yô, nenge, zegeikpelaior lu, ma or fatyô u ôron i iyenge ga, ve due ken hanma ikurior man hanma nongo man hanma nongoior man hanma zwa kpaa. Ve tile sha ishigh ki ikônough ki torough kila man sha ishigh ki Waniyôngo ve haa akondo a pupuu iyol shi ve lu a andar a avilegh sha ave.