Mateu 26:27 - ICIGHAN BIBILO

²⁷ Shi A tôô iyongo, sughun yô, A na ve, A kaa er: Ne cii ma nen shimi;

Mateu 26:27 Iomraidhean Croise

Upasalmi 116:13

Me ngohol iyongo i myom, me yila sha iti i TER.

I Solomon 5:1

M va ken sule wam, anngômkwase, kwasehe, m kohol mire wam kua ilyôghonov yav; m ya ikpayough kua zaryoughough wam; m ma wain wam kua atumbabua am. Ya nen ase akar, ma nen, een, ma nen i̱ kuma ne, ne mbadoonshima.

I Solomon 7:9

zwa wou kpaa er wain u hemban doon cii yô, u a senen jighilii sha ci u u a doom ishima la, ngu nyôron sha ityumbujôôgh i mba ve yav yô.

Yesaia 25:6

Sha uwo ne TER u akum a Sha Una yôr akuraior cii iwer sha akaa a wan ahôm, iwer i sha wain u atse a akase na, sha akaa a ahômough a a mgbough a mshiam, sha wain u tse u i kase un dedoo yô.

Yesaia 55:1

Ne mba imura i ker ne cii, va nen hen mnger, kua u nan lu a inyaregh je ga kpaa; va nen, va yam nen, ya nen, een, va nen, va yam nen wain kua atumbabua, á lu sha inyar ga, man sha ishe i wan kpaa ga.

Mateu 15:36

A tôô ubredi mba utaankaruhar kua anishuuv mbala, sughun yô, A coon, A na mbahenen; mbahenen di gema na ikpelaior.

Mateu 26:26

Mba ngur yan ave yô, Yesu tôô bredi A sôn iveren i dedoo sha mi, A coon, A na mbahenen, A kaa er: Ngohol nen, ya nen, ka iyol Yam je ne.

Mateu 26:28

gadia ka awambe Am a ikuryan je ne, a i hee a sha ci u ior kpishi sha u den asorabo.

Luka 22:20

Iyongo di kpaa nahan, er kwaghyan bee kera yô, A kaa er: Iyongo ne ka ikuryan i he i ken awambe Am a i hee sha ci wen ne.]

1 Mbakorinte 10:16

Iyongo i ishughun i se nan ishughun sha ci u i la yô, kera ka mzough wase a awambe a Kristu gaa? Bredi u se coon la, kera ka mzough a iyol i Kristu gaa?

1 Mbakorinte 11:28

Kpa or nana̱ kar iyol i nan man nana ya bredi la man nana ma iyongo la ye.