Mateu 26:13 - ICIGHAN BIBILO

¹³ Mimi je M kaan ne ne, hanma ijiir i á ôr Loho u Dedoo ne sha won cii yô, kwagh u a er ne kpaa á ter un, sha u umbur un.

Mateu 26:13 Iomraidhean Croise

Upasalmi 112:6

gadia nana tenger mayange ga; or u perapera yô, á umbur nan gbem.

Yesaia 52:9

Ger nen iember, wa nen icam imôngo, ne atse a ayou a ken Yerusalem ne, gadia TER sur ior Nav asema, A paa Yerusalem.

Mateu 24:14

Man Loho u Dedoo u tartor ne yô, á ôr u á tser tar, sha u u̱ lu mpase hen akuraior cii; ka zum la man mkur una kuma ye.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Marku 13:10

Kpa á vande ôron akuraior cii Loho u Dedoo ne keng.

Marku 14:9

Mimi je M kaan ne ne, hanma ijiir i á ôr Loho u Dedoo ne sha won cii yô, kwagh u a er ne kpaa, á ter sha ci umbur un.

Marku 16:15

A kaa a ve er: Zende nen sha won cii, za ôr nen uumace cii Loho u dedoo ne.

Luka 24:47

man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

Aerenakaa A Mbaapostoli 10:4

A kenger un, cier un iyol, a kaa er: Ka nyi, tere? A kaa a na er: Mbamsen ou man uiwua ou ve kôndo sha, hingir kwagh u Aôndo Una umbur je.

Mbaromanu 10:18

Nahan m ngu pinen mer: Ve ungwa ga shinii? Ve ungwa je: Imo ve samber sha tar sha won cii, akaaôron a ve kpaa za ar sha akighir a taregh.

Mbaromanu 15:19

man sha agee a uivande man akaa a kpilighyol man sha agee a Icighan Jijingi kpaa. Nahan hii ken Yerusalem ningir zan zan ar ken Ilirikum m ôr Loho u Dedoo u Kristu m tser.

2 Mbakorinte 10:18

Gadia ka or u nan wuese iyol i nan la man á rumun nan ga, kpa ka or u Ter A wuese nan la.

Mbakolose 1:23

Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

Mbakolose 1:6

U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

1 Timoteu 2:6

u A ne iyol Na hingir ipaa sha ci u ior cii. I er shiada sha kwagh ne er shighe va kuma vough yô.

Mbaheberu 6:10

Aôndo ban a perapera ga. Tom wen ua hungul Un ga, shin dooshima u ne tese sha ci u iti Na kpaa ga er ne lu eren uicighanmbaiorov tom shi ne mba eren her kpaa.

Mpase U Yohane 14:6

M shi m nenge ortyom u Sha ugen lu purugh sha kwavaôndo lu a Icôronloho u Dedoo u yôôn hen mba ve tem shin tar cii, hen hanma ikurior man hanma nongo man hanma zwa man hanma nongoior.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.