Mateu 24:9 - ICIGHAN BIBILO

⁹ Hen zum la vea na ne ken ican, vea wua ne kpaa; akuraior cii aa kôr ne ihom sha ci u iti Yam.

Mateu 24:9 Iomraidhean Croise

Anzaakaa 29:27

Or u nan lu a mimi ga yô, nan ngu mbaperapera kwagh u ndôhôrshima, or u nan zenden jighilaa di kpaa nan ngu aferaior kwagh u ndôhôrshima.

Daniel 11:33

Ve mba ve lu a kwaghfan ken ior yô, vea na ior kpishi vea kav kwagh; nahan kpaa vea gba sha sanker man sha nomborusu man ken kwar man ken ishar, ayange á ngee.

Mateu 22:6

Mbagenev mbala kôr mbayev mbala, er a ve dang dang man mase wuan ve ye.

Mateu 23:34

Sha ci u nahan yô, M ngu tindin ne a uprofeti man ior mba fan kwagh man mbangeren; né wua mbagenev, né mande mbagenev sha terankon, shi mbagenev yô, né gbidye ve akpa ken ushinagoge enev, né tôv ve a ican ityô sha agar agar;

Luka 11:49

Ka sha ci u nahan man mfe u Aôndo kaa er: Me tindi ve a uprofeti man mbaapostoli; vea wua mbagenev, vea tôv mbagenev a ican;

Luka 21:12

Kpa er akaa ne aa lu a er ga je tsô, vea kôr ne, vea tôv ne a ican, vea za a ven ken ushinagoge man ugaadi; vea va a ven sha ishigh ki utor man ugomna sha ci u iti Yam.

YOHANE 15:18

Aluer tar ua kôr ne ihom yô, fa nen u vande kôron Mo ihom je er u lu a kôr ne ihom ga yô.

YOHANE 15:21

Kpa akaa ne cii vea er ne a sha ci u iti Yam sha ci u ve fe Un u A tindim la ga yô.

YOHANE 16:2

Vea dugh ne ken ushinagoge kera; shighe ngu van je u hanma or u nana wua ne yô, nana hen er nan ngu eren tom u civir Aôndo.

Aerenakaa A Mbaapostoli 28:22

Kpa sar se ka ungwan mnenge wou; gadia sha kwagh u annongo ne yô, ngu ken igbar je hen a vese, han han kpaa mba teren un dang.

Aerenakaa A Mbaapostoli 7:59

Ve ta Sefanu awen, lu yilan kaan er: Ter Yesu, ngohol jijingi wam!

1 Peteru 4:16

Kpa aluer orgen nana ya ican er Orkristu yô, kunya u̱ de ker nan ga, kpa nana̱ civir Aôndo ken Iti ne.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.

Mpase U Yohane 2:13

M fa henpe u tem ka henpe ikônough ki torough ki Satan ki lu je la, nahan kpaa u kusu iti Yam gbang gbang, u nyiman jighjigh u nan Mo la ga, shin sha ayange a Antipa orshiada Wam u jighjigh la kpaa, un u i wua un hen ven, henpe Satan a tem la.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.