Mateu 24:5 - ICIGHAN BIBILO

⁵ Gadia ior kpishi vea va ken iti Yam, vea kaan er: Ka mo Kristu je ne; vea tsugh ior kpishi.

Mateu 24:5 Iomraidhean Croise

Yeremia 14:14

Nahan TER kaa a mo er: Uprofeti mba pasen kwagh ken iti Yam sha aie; M tindi ve ga, M na ve zwa ga, M ôr kwagh a ve kpaa ga; mba pasen ne kwagh nengen a mi, u aiegh, man mtsengeôron u gbilinigh kua icugh i ken asema ve.

Yeremia 23:21

M tindi uprofeti mban ga, nahan kpaa ve gba zan tsô; M ôr kwagh a ve ga, nahan kpaa mba gbe ôron kwaghôron u uprofeti tsô.

Yeremia 23:25

M ungwa kwagh u uprofeti ve kaa la, mba ve ôron kwaghôron u uprofeti sha aie ken iti Yam, er: Mnyam ciem, mnyam ciem la.

Yeremia 37:9

TER ngu kaan nahan er: De kera tsughun nen ayol a en kaan nen ner: Mbakaldi vea mough hen a vese kera kpaa la ga; gadia vea mough ga.

Mateu 24:11

Man shi uprofeti mba aiev kpishi vea za va, vea tsume a ior kpishi.

Mateu 24:24

Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

YOHANE 5:43

Mo M va ken iti i Terem, kpa ne rumun Mo ga; aluer orgen nana va ken iti i nan iyol i nan yô, ka nan je né rumun nan ye.

YOHANE 8:24

Ka nahan man M kaa a ven Mer: Né kpe ken isholibo yen ye; gadia aluer ne na jighjigh ner, Mo M ngu Un ga yô, né kpe ken asorabo a en.

YOHANE 8:28

Nahan Yesu kaa er: Zum u nea kende Wan u or sha tsô né fa er M lu Un yô, man shi er M gbe eren ma kwagh sha tahav Av iyol Yam ga, kpa M er akaa er Ter a tesem yô.

1 Yohane 2:18

Mbayev, ka shighe u masetyô je ne, man er ne ungwa ner Antikristu ngu van yô, shin hegen je kpaa Mbaantikristu due, mba imôngo je, ka nahan man se fe er i lu shighe u masetyô je ne ye.

1 Yohane 2:22

Ka an nan lu or u aieghe, saa di u nan nyiman er Yesu ka Kristu ga la? Ka nan je nan lu Antikristu ye, u nan nyiman Ter man Wan la.

1 Yohane 4:3

Kpa hanma jijingi u a pase Yesu ga yô, ka ken Aôndo a dugh ga, ka u Antikristu je, u ne ungwa ner ngu van la, hegen je kpaa ngu sha tar.

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.