Mateu 24:24 - ICIGHAN BIBILO

²⁴ Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

Mateu 24:24 Iomraidhean Croise

Yesaia 9:15

Orvesen u lun a icivir ka nan nan lu ityough ye, man profeti u tesen ior aie la, ka un a lu tsa ye.

Mateu 22:14

Gadia mba i lehe ve yô, ngee tsô, kpa mba i tsough ve yô, mba kpeghee.

Mateu 24:11

Man shi uprofeti mba aiev kpishi vea za va, vea tsume a ior kpishi.

Mateu 24:22

Man ka er i pande ayange la kera yô, gayô, ma i yom ma or ga; kpa sha ci u uicuwanmbaiorov yô, á pande ayange la kera.

Mateu 24:25

Nenge, M tsengaôron ne akaa ne cii er shighe u a a lu a kuma ga je yô.

Mateu 24:31

Man Una tindi mbatyomov Nav a ikpamkor i kaan hweng, vea kohol uicuwanmbaiorov Nav sha avegher anyiin á hii ken ikighir ingila.

Mateu 24:5

Gadia ior kpishi vea va ken iti Yam, vea kaan er: Ka mo Kristu je ne; vea tsugh ior kpishi.

Mateu 7:15

Kura nen ayol a en sha uprofeti mba aiev mba ve ve her a ven a akôv a iyôngo iyol, kpa ken atô ve yô, gema ka ugbaseela mba huav je.

Marku 13:22

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

Luka 18:7

Man hire Aôndo Una kera kure ijir sha ci u uicuwan Nav mba ve ve a mliam hen Na tugh man tetan ga yee, shin er A timbir sha kwagh ve yum nahan kpaa.

YOHANE 4:48

Tsô Yesu kaa a na er: Ka nea nenge uivande man akaa a kpilighyol ga yô, mayange ne na jighjigh ga.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

YOHANE 6:39

Man ishima i u A tindim yô, ka i ne: Akaa a A nem la cii ma kwagh môm a̱ de saan Mo ga, kpa M̱ nder un sha iyange i masetyô.

Aerenakaa A Mbaapostoli 20:16

Gadia Paulu wa ken ishima er una kar a kar Efese ken tso, sha u ma un timbir hen Ashia ga yô, gadia lu tolough er una fatyô yô, ma un lu ken Yerusalem sha iyange i Pentekosti.

Mbaromanu 12:18

Aluer a fatyô yô, lu nen bem a ior cii ape kwagh wen a lu sha mi la.

Mbagalatia 4:15

Msaan u i saan ne iyol hen shighe la yô, ngu han ahegene? Gadia m ngu eren shiada sha a ven mer, aluer nea fatyô yô, yan ma ne tsuwa ashe a en ma ne nam.

Duteronomi 13:1

Aluer ma profeti una mough her a we, shin or u mnyam ma cien nan, una tese u ma ivande shin kwagh u kpilighyol,

WASHIKA U SHA UHAR U PAULU APOSTOLI TINDI HEN TIMOTEU - 2TI 2:19

Kpa imagh ki Aôndo ki ki tenger ga la yô, ki tile her, ki a ikav ne: Ter fa mba Nav, man shi, hanma or u nan teren iti i Ter yô, nana̱ pav a ifer.

1 Peteru 1:5

ne mba i kor ne sha agee a Aôndo sha jighjigh u nan, sha u ngohol myom u i kegh iyol i ver a ver u pasen un sha iyange i masetyô yô.

2 Peteru 3:17

Ne mbadoon mo ishima, er ne vande fan kwagh ne nahan yô, kuran nen i̱ de kera kôron ne i̱ urugh ne sha mtsum u mbarumun atindi ga la er né gba sha mtil wen la ga yô.

1 Yohane 2:18

Mbayev, ka shighe u masetyô je ne, man er ne ungwa ner Antikristu ngu van yô, shin hegen je kpaa Mbaantikristu due, mba imôngo je, ka nahan man se fe er i lu shighe u masetyô je ne ye.

1 Yohane 2:22

Ka an nan lu or u aieghe, saa di u nan nyiman er Yesu ka Kristu ga la? Ka nan je nan lu Antikristu ye, u nan nyiman Ter man Wan la.

1 Yohane 5:18

Se fa, hanma or u Aôndo mar nan yô, nan eren isholibo ga, kpa u Aôndo a mar nan yô, nan kor a kura iyol i nan, mayange Orbo benden nan ga.

Mpase U Yohane 19:20

Tsô i kôr inyam la man shi profeti u aie la kpaa, un u a lu eren uivande sha ishigh ki inyam, a lu tsughun ior mba ve ngohol ikav i inyam la man shi mba ve civir eev mbu i la kpaa, i gbihi ve uhar cii uma ken berusu u a lu yeghen sha sulfur la.