Mateu 24:21 - ICIGHAN BIBILO

²¹ Gadia zum la zegecan una er, imbacan i hii er i gba tar la je zan zan ainge ne i lu a er mayange ga yô, man mayange kpaa ia kera shi er nahan kpaa ga.

Mateu 24:21 Iomraidhean Croise

Esekiel 5:9

Man ker atô wou kpaa Me er kwagh u M lu a vande eren ga yô, imbakwagh i mayange Me kera er i nahan ga, sha ci u akaa a ou a ndôhôrshima cii.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Daniel 9:26

Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Yoel 1:2

Ungwa nen kwagh ne, ne mbatamen, ver nen ato ne mba ne tem ken tar ne cii. Imbakwagh ne vande eren sha ayange a en shin sha ayange a uter enev kpa?

Yoel 2:2

ka iyange i ime i wan mgbigh mgbigh, iyange i abeen man angôghime, er mlu u pepe dindee nahan; ikurior i vesen man i ageegh haa sha iwo imba i i lu a vande nengen a mi ga, man á kera nenge a mi ken hemen kpaa ga, zan zan sha ikov ikov cii.

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

Mateu 24:20

Yô, er nen msen, ayem a en a̱ de lu sha shighe u fam ga, sha iyange i memen kpaa ga.

Mateu 24:29

Kpa fese je, ken masejime u ican i her ayange la yô, iyange ia wa ime, uwer kpaa ua kera wanger ga; asan aa osough sha kwavaôndo man agee a a lu sha kwavaôndo la aa tenger.

Marku 13:9

Kpa ne yô, ver nen asema sha ayol a en, gadia vea na ne ken mbamkohol mba mbaajiriv, man ken ushinagoge, á gbidye ne; né tile sha ishigh ki ugomna man utor sha ci Wam, sha u i̱ lu ve shiada yô.

Luka 21:24

Vea kpe ku u ishôm; á yem a ve uikangen hen atôatyev cii; Yerusalem kpaa atôatyev á ndyar un shin angahar zan zan shighe u atôatyev á kar kuman.

1 Mbatesalonika 2:16

Mba yangen se er se̱ de ôron kwagh a atôatyev sha er a̱ war ga, kape ve lu ivin asorabo a ve gbem je la, kpa ken masejime yô, iyugh va sha a ve.

Mpase U Yohane 16:18

Maa inyiar lu kpishi kua imo man idyuran kpaa, tar kpaa tenger sha agee, imba i u lu a vande tenger mayange ga, hii sha shighe u or hii teman shin tar la je, kape mtenger u tar ne a lu sha agee ne.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.