Mateu 23:4 - ICIGHAN BIBILO

⁴ Een, ka ve kange ikav mbi yuhwan mbi mbi lu ican u tôôn, ve penda ior sha avande, kpa ve ayol a ve yô, ve soo u benden ihôwe sha mi tsô kpaa ga.

Mateu 23:4 Iomraidhean Croise

Yesaia 46:1

Bel gba inya, Nebo ngurum; ieev vev mbi sha uzendenya kua sha uile; akaa a ne tee ne zenden a mi la, hingir ikav mbi yuhwan uzendenya mba ve ver yô.

Mateu 23:23

Kwagh á tser ne, ne mbangeren man Mbafarishi, ne mbaimangerev. Gadia ne mba tsough môm-ken-upue u kunguraku man yiye man ayegh, kpa ne kera wa akaa a a hembe lun a inja ken atindi la iko ga, er: ijirôron man mhôônom ma zungwen man jighjigh u nan, er i lu u né eren akaa ngan keng yô, shi ma ne de u eren angara kpaa ga.

Mateu 23:3

Nahan akaa a ve kaan ne cii, er nen a, waan nen iko kpaa, kpa de eren nen er ve eren nahan la ga; gadia ka ve kaa a kaa kwagh, kpa ve eren sha mi ga.

Luka 11:46

Kpa A kaa er: Ne mbafanatindi kpaa, kwagh á tser ne gadia ne mba we ior ikav mbi mbi lu ican u tôôn yô; man ne ayol a en yô, mayange ne bende ihôwe wen môm sha mi kpaa ga.

Aerenakaa A Mbaapostoli 15:10

Nahan yô, ka nyi ve ne kar Aôndo sha u ne te mbahenen igbur sha mon i uter asev man se kpaa se fetyô u tôôn ga laa?

Aerenakaa A Mbaapostoli 15:28

Gadia Icighan Jijingi kua se kpaa se nenge doo u sé kera seer ne kwagh u yuhwan ugen ga, saa kwagh u a lu u eren keng ne tseegh:

Mbagalatia 6:13

Gadia mba ve tsenge je kpaa, ve ayol a ve mba kuran atindi ga, kpa sar ve pe ma ne tsenge sha u vea ta ihagh sha iyol yen yô.

1 Yohane 5:3

Gadia ka dooshima u Aôndo ne, ka u se̱ kuran atindi a Na, man atindi a Na yô, a yuhwa ga.

Mpase U Yohane 2:24

Kpa ne mbagenev mba ken Tiatire mba ne lu a ityesen ne ga shi ne fe akaa a cimin a Satan er ve kaan nahan la ga yô, M ngu kaan ne mer: M kera ngu seer ne ma ikav mbigenev ga.