Mateu 23:39 - ICIGHAN BIBILO

³⁹ Gadia M ngu kaan ne, kera nengen yen a Mo ga zan zan né va kaa ner: I̱ wuese Un u A ve ken iti i Ter la.

Mateu 23:39 Iomraidhean Croise

Upasalmi 118:26

Saan or u nan nyer ken iti i TER la iyol; se mba nan ne iveren i dedoo i ken ya u TER.

Hosea 3:4

Gadia Mbaiserael vea lu a tor ga ayange kpishi, ortaregh kpaa ga, nagh ku nan kpaa ga, ityôgh ki iwenegh kpaa ga, efodi man terafim kpaa ga;

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Mateu 21:9

Ikpelaior i zan Un sha hemen man i dondon Un ken ijime, ve gba genger amo, kaan er: Hosana Wan u Davidi, i̱ wuese Un u A ve ken iti i Ter la; Hosana sha Usha mba hemban gban ica la.

Luka 17:22

Tsô A kaa a mbahenen er: Ayange nga van pe á sar ne ka ma ne nenge a iyange imôm ken ayange a Wan u or, kpa nea nenge a mi ga.

YOHANE 14:19

Mase shin ciôn man tar ua kera nenge a Mo ga; kpa ne yô, né nenge a Mo, sha ci u Mo M lu uma, ne kpaa né va lu uma yô.

YOHANE 14:9

Yesu kaa a na er; M ngu a ven ayange ngee, nahan kpaa, we Filibu, u fam gaa? U nan nenge a Mo yô, nan nenge a Ter je ve; man er nan u kaan wer: Tese se Tere?

YOHANE 8:21

Tsô Yesu shi kaa a ve er: Me yem, né kerem, kpa né kpe ken isholibo yen; hen ape Me za la, ne fatyô u zan ga.

YOHANE 8:24

Ka nahan man M kaa a ven Mer: Né kpe ken isholibo yen ye; gadia aluer ne na jighjigh ner, Mo M ngu Un ga yô, né kpe ken asorabo a en.

YOHANE 8:56

Ter wen, Aberaham, saan un iyol kpishi sha ci u una va nenge iyange Yam; a nenge a i je, a ember kpishi kpaa.

Mbaromanu 11:25

Anmgbianev, sarem ka ma ne lan kwaghmyer ne ga, de nengen nen ayol a en er ne mba mbafankwagh yum ga. I cighir vegher ugen u Iserael ishima zan zan atôatyev aa kar nyôron, iyenge i a ia kar ivin vough ve.