Mateu 23:37 - ICIGHAN BIBILO

³⁷ Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!

Mateu 23:37 Iomraidhean Croise

Nehemia 9:26

Nahan kpaa ve hemba ato, ve hendan a We, ve gbihi atindi a Ou ken ijime, ve wua uprofeti Ou mba ve pase ve ibo ve, sha u hiden a ve her a We la, ve er akaa a ndôhôrshima kpishi.

Upasalmi 17:8

Kuram er hongorshe nahan; yerem ken mure u akper a Ou,

Upasalmi 36:7

Aôndo, erdoo Wou ngu a inja je gande cii; ônov mba iorov mba yeren ken mure u akper a Ou,

Upasalmi 57:1

Zungwem mhôônom, Aôndo, zungwem mhôônom, gadia ka ken a We, uma wam a yer ye, een, ka ken mure u akper a Ou me yer ye, zan zan akaavihin ne aa kar kera.

Upasalmi 63:7

gadia We U lu Orwasen mo, ka ken mure u akper a Ou kpaa me ember tsung je ye.

Upasalmi 91:4

Una cir u sha akper a Na, ka ken atô u akper a Na je, ú yer ye; mimi Na ka perutya man akuvautya.

Yesaia 5:4

Ka nyi i shi, i ma M er ken sule wam ve M er i ga? Er M ver ishima Mer ua ume atam a wain yô, er nan man u gem u um atam a bo?

Yesaia 50:2

Ka sha ci u u nyi man zum u M va la, M kohol ma or ga? Zum u M yila kpaa, ma or vengese ga? Uwegh Agh kôvor, je kua kera fatyô u paan gaa? Shin M ngu a tahav mbu Me yiman gaa? Nenge, sha mzehe Wam ka M uma zegemnger, ka M gema uifi ve hingir desereti, ishu ve kpaa i human sha ci u mngerem ma ga yô, i kpe sha ci u imura.

Yeremia 2:30

Ka gbilin tsô man M gbidi ônov enev ye; ve rumun mkôôm ga; sanker wen wua uprofeti enev, er begha ka a ande kwagh nahan.

Yeremia 26:23

ve due a Uria ken Igipiti, ve va a na hen tor Yehoyakim, nahan a wua un sha sanker, a gbihi ikom na sha ijiir ape i iin ior mba ken inya yô.

Yeremia 32:31

Gadia gar ne kpoghol ishima Yam i vihin kua iyugh Yam i tsung, hii sha iyange i ve maa un la zan zan nyian ne, sha u M kar a na sha ishigh Yagh kera,

Yeremia 35:15

Shi M tindi mbatomov Av cii, uprofeti her a ven pepe kua aikighe, M kaa Mer: Shi hide nen, hanmô wen nana̱ undu gbenda u nan u bo, sôr nen aeren a en, de kera dondon nen sha mbaaôndo mbagenev sha u eren ve tom ga, nahan né tema ken tar u M na ne kua uter enev la; kpa ne ver ato ga, iko kpaa ne wam her je ga.

Yeremia 36:26

Tsô tor kaa Yerameel wan u tor, man Seraia wan u Aseriel, man Shelemia wan u Abadeel er, ve̱ kôr orngeren Baruki man profeti Yeremia; kpa TER yer ve.

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Yeremia 44:4

Nahan kpaa M tindi ne a mbatomov Av cii, uprofeti, pepe kua aikighe Mer: Shi de eren nen kwagh u ndôhôrshima ne, u uma Wam a nyagh un la ga.

Yeremia 6:8

We Yerusalem, rumun ityesen, sha er uma Wam a̱ de vende u ga yô; man sha er M̱ de gem u u̱ hingir ice, tar u lun a orteman ker ga, ze.

Hosea 11:2

Er i yila ve ngegh kpaa, ve hemba yemen a yem ca; ve na Ubaal nagh ku sôngon, man ve nande ieev mbi gban a gba nagh ku human doon.

Hosea 11:7

Ior Av ver ishima u geman undun Mo, aluer i lu yilan ve Sha nahan kpaa, mô ve môm nan nôngo u moughon sha kpaa ga.

Hosea 7:13

Kwagh á tser ve! Ve yevese ve undum! I̱ tim ve kera, gadia ve hendan a Mo; ma M paa ve, nahan kpaa ve wam aie iyol.

Sekaria 1:4

De kera luun nen er uter enev nahan ga, mba uprofeti mba tsuaa mbala, ve lu genger imo kaan a ve er: TER u akum a Sha ngu kaan nahan er: Gema nen asema, undu nen igbenda yen i bo man aeren a en a bo; kpa ve ungwa ga, ve ver ato her a Mo kpaa ga, kape TER A kaa ne.

Mateu 22:3

Nahan a tindi mbayev nav er, ve̱ za yila mba i lehe ve iniongo i kwasehe la, kpa lu ve pe van ga.

Mateu 22:6

Mbagenev mbala kôr mbayev mbala, er a ve dang dang man mase wuan ve ye.

Mateu 23:30

Ne mba kaan ner: Sea lu sha ayange a uter asev la yô, mayange ma se nyôr nongo a ve sha u haan awambe a uprofeti, la ga.

Mateu 23:31

Kape ne lu eren shiada pasen ayol a en er ne lu ônov mba mbawuan uprofeti je la.

Mateu 5:12

ember nen, i̱ saan ne ken ishima tsung, gadia injar yen vese Sha, gadia kape ve tôv uprofeti mba ve vande a ven la a ican je la.

Luka 15:28

Maa a gba yuwen, a venda u nyôron. Tsô ter na due za zamber a na.

1 Mbatesalonika 2:15

mba ve wua Ter Yesu kua uprofeti la ye, se kpaa ve tôv se a ican, kwagh ve doo Aôndo ga man shi mba ihom a ior cii kpaa.

Mpase U Yohane 17:6

M shi m nenge kwase la lu hunden sha awambe a uicighanmbaiorov man shi sha awambe a mbashiada mba Yesu kpaa. M nenge a na nahan kpiligh mo iyol je gande.

Rutu 2:12

Yô, TER A̱ er a we dedoo sha aeren a ou la, ma u zough a injar i kuman gbing gbing hen TER Aôndo u Iserael u u ve u va ker ijiir i memen shin akper a Na yô.