Mateu 23:33 - ICIGHAN BIBILO

³³ Ne iyô, ne ônov mba igbindev! Né er nan man né war ibo i nan i ken gehena la?

Mateu 23:33 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Yesaia 20:6

Sha iyange la mbateman ken tar u hen kpe u zegemnger ne, vea kaa er: Nenge ase, kape ishuur wase a lu ne, henpe se yevese se za ker iwasen sha u sé war sha ikev i tor u Ashiria yô; nahan yô, se er nan man sé wara?

Mateu 12:34

Ne ônov mba igbindev, á er nan man ne mba ne lu mbaaferev, né ôr akaa a doono? Gadia ka sha m-iv u ken ishima man zwa u er kwagh ye.

Mateu 23:32

Yô, gba ivin nen ikaren i uter enev tsô.

Mateu 3:7

Tsô er a nenge a Mbafarishi kua Mbasadushi kpishi lu van hen batisema ne yô, a kaa a ve er: Ne ônov mba igbindev mban, ka an man nan we ne kwagh er né yevese iyugh i i lu van la ase?

Mateu 5:22

Kpa Mo yô, M kaan ne Mer: Hanma or u nana yuwe a anngô u nan yô, nan kuma u á ôr nan ijir ve; man shi hanma or u nana kaa a anngô u nan er, Raka, yô, nan kuma u á ôr nan ijir sha ijirtamen ve; man shi hanma or u nana kaa er, we, ibumeor, yô, nan kuma mtsaha u ken gehena u yeghen usu la ve.

Luka 3:7

Tsô a kaa a ikpelaior i i due sha u a̱ er ve batisema la er: Ne ônov mba igbindev mban, ka anti man nan we ne kwagh er, ne̱ yevese iyugh i i lu van la ase?

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

2 Mbakorinte 11:3

Kpa m ngu cian mer, alaghga á va vihi mbamhen enev né undu mlu u mimi [man u wang] u ken Kristu la er iyô mee Ifa sha atseregh a i nahan.

Mbaheberu 10:29

Ne mba nengen nana? Or u nan ndyar Wan u Aôndo shin angahar a nan shi nan nenge er awambe a ikuryan a i tsegh nan sha mi la ka kwagh u hôngorough man shi nan laha Jijingi u mhôôn la yô, mtsaha u nan una kpen vihin nan sha wonoo?

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mbaheberu 2:3

nahan se sé war nana aluer sé kera wa myom u vesen ne iko ga yôô? Ka Ter A hii u pasen un ye, mba ve ungwa un la kpaa, ve va taver un hen vese.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.