Mateu 23:15 - ICIGHAN BIBILO

¹⁵ Kwagh á tser ne, ne mbangeren man Mbafarishi, ne mbaimangerev, gadia ka ne ningir zegemnger man tar sha u keren or môm ner, nana gema nana nyôr nongo wen la; nana hingir nahan yô, ne gema nan, nan hemba lun wan u gehena, a ven kwa har je.

Mateu 23:15 Iomraidhean Croise

Eseter 8:17

Ken hanma ipaven, man hanma gar, henpe imo i tor kaa la man tindi na nyôr yô, Mbayuda lu a iember man ishima i saan saan, ve yôr iwer, ve er iniongo. Nahan mbagenev kpishi ken akuraior a ken tar la, ve gema ve hingir Mbayuda, gadia ve lu cian Mbayuda.

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

Mateu 3:7

Tsô er a nenge a Mbafarishi kua Mbasadushi kpishi lu van hen batisema ne yô, a kaa a ve er: Ne ônov mba igbindev mban, ka an man nan we ne kwagh er né yevese iyugh i i lu van la ase?

Mateu 5:22

Kpa Mo yô, M kaan ne Mer: Hanma or u nana yuwe a anngô u nan yô, nan kuma u á ôr nan ijir ve; man shi hanma or u nana kaa a anngô u nan er, Raka, yô, nan kuma u á ôr nan ijir sha ijirtamen ve; man shi hanma or u nana kaa er, we, ibumeor, yô, nan kuma mtsaha u ken gehena u yeghen usu la ve.

Mateu 5:29

Man aluer ishe you i ken iyan ia na u anzughul yô, dugh i, ta kera; gadia á lu u guda u ilyeegh you i môm ki saa a u ma i gbihi iyol you jimin ken gehena la.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Aerenakaa A Mbaapostoli 13:10

a kaa er: We, wan u diabolo u u iv a icugh man hanma kwaghnzughul, u lu orihom u kwagh u perapera cii ne, u shi de u goom igbenda i jighilaa i Ter je gaa?

Aerenakaa A Mbaapostoli 13:43

Er mkohol u ken shinagoge hembe yô, Mbayuda mbagenev kpishi man shi mba ve gem ve hingir a hingir Mbayuda mba ve cie Aôndo, ve dondo Paulu man Barnaba; ve kpaa, ve ôr kwagh a mbala, ve taver ve ishima er ve̱ var sha mrumun u sha mhôôn u Aôndo.

Aerenakaa A Mbaapostoli 14:19

Kpa Mbayuda mbagenev due ken Antioki man Ikonium, mba va gem ikpelaior asema yô, ve ta Paulu awen, ve kpela un, ve za kende ken akôngo a gar, lu ve er a kpe.

Aerenakaa A Mbaapostoli 14:2

Kpa Mbayuda mba ve hemba ato yô, ve kende atôatyev asema sha, ve vihi ve a anmgbianev mbala.

Aerenakaa A Mbaapostoli 17:13

Kpa Mbayuda mba ken Tesalonika zum u ve ungwa er Paulu za ôr kwaghôron u Aôndo ken Berea kpaa yô, ve za ker kpaa, ve lu za vihin ior, kenden ve asema sha.

Aerenakaa A Mbaapostoli 2:10

kua Ferigia man Pamfilia man Igipiti man tar u Libia u hen Shirene la, man shi Mbaromanu mba ve va a va inya ne, ka Mbayuda man mba ve nyer a nyôr nongo u Mbayuda yô,

Aerenakaa A Mbaapostoli 6:5

Kwaghôron la doo ikpelaior cii; nahan ve tsuwa Sefanu, or u ivin a jighjigh u nan man Icighan Jijingi, man Filibu man Prokoru man Nikanor man Timon man Parmena kua Nikolau u a due ken Antioki a nyôr a nyôr nongo u Mbayuda yô.

Mbagalatia 4:17

Ka ve nôngo kwagh sha ci wen ngegh kpa ka sha gbenda u mimi ga, sar ve pe gbihin ne ken won sha u ma ne nenge kwagh sha ci ve tsung yô.

Mbagalatia 6:12

Ka mbala mba i sar ve pe mongor sha ashe a ior la man ve lu nôngon pe kighir ne sha u ne̱ tsôngo ye, ka sha u i̱ de kera tôvon ve a ican sha kwagh u terankon u Kristu la ga yô.

Mbaefese 2:3

Ngise se cii kpaa se lu ken ve ken asaren a ayol a ase, se lu eren sha mbamhange mba ken iyol man mba ken mhen wase, man se lu ônov mba iyughuv sha marami vough er mbagenev di nahan.