Mateu 22:4 - ICIGHAN BIBILO

⁴ A shi a tindi mbayev mbagenev, a kaa er: Za kaa nen mba i lehe ve mbala ner: Nenge, m yôr iwer cii, i sôngo abua man uicighan av; akaa cii kohol ve. Yô, yar nen iniongo i kwasehe.

Mateu 22:4 Iomraidhean Croise

Nehemia 9:17

ve venda u ungwa kwagh, ve umbur akaa a kpilighyol a Ou a U er hen ve la ga, kpa ve nômbo ikôr; sha mhendan ve la je, ve ver orhemen ugen sha u vea hide vea za lu ikpan her. Kpa U ngu Aôndo u den asorabo, U mgbough a mrumun u sha mhôôn man mhôônom ma zungwen man ishima i wan kua erdoo wuee, U gbihi ve kera ga.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Anzaakaa 15:17

Guda u yan ikyaiue henpe dooshima a lu yô, a u yan icôngonbua a ihom ken asema la.

I Solomon 5:1

M va ken sule wam, anngômkwase, kwasehe, m kohol mire wam kua ilyôghonov yav; m ya ikpayough kua zaryoughough wam; m ma wain wam kua atumbabua am. Ya nen ase akar, ma nen, een, ma nen i̱ kuma ne, ne mbadoonshima.

Mateu 21:36

A shi a tindi mbayev mbagenev hemba ngeen a mba tsuaa mbala; ve shi ve er a ve nahan kpaa.

Mateu 22:5

Kpa ve laha kera, ve yem akaa ve, u môm yar sule na, ugen za kasua na.

Mateu 22:8

Tsô a kaa a mbayev nav er: I yôr iniongo i kwasehe ve, kpa mba i lehe ve yô, ve kuma sha icivir ne ga.

Luka 14:17

Shighe u iniongo la kom yô, a tindi wanakiriki na sha u za kaan mba i lehe ve la er: Va nen, gadia akaa cii kohol ve.

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

Aerenakaa A Mbaapostoli 13:46

Kpa Paulu man Barnaba gba ôron kwagh vangertiôr. Ve kaa er: Ka ne i gbe u á vande ôron ne kwaghôron u Aôndo kpee je ye. Kpa er ne mgbegh un her a ven kera nahan, man shi ne nenge er ne kuma uma u tsôron ga yô, nenge, se gema ishigh her atôatyev ve.

Mbaromanu 8:32

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?