Mateu 22:3 - ICIGHAN BIBILO

³ Nahan a tindi mbayev nav er, ve̱ za yila mba i lehe ve iniongo i kwasehe la, kpa lu ve pe van ga.

Mateu 22:3 Iomraidhean Croise

Upasalmi 68:11

Ka Ter man A kaa imo Na ye; kasev mba ve yôôn loho u dedoo ka ikum i vesen.

Yesaia 30:15

Gadia Ter AÔNDO, Icighan u Iserael kaa nahan er: Ka sha u hiden shi memen man né war ye, ka sha mtem u bem bem man jighjigh u nan, agee a en aa lu ye.

Yeremia 25:4

TER kpaa tindi ne a mbatomov Nav cii, uprofeti, pepe kua aikighe; kpa ne wa iko ga, ato tsô kpaa ne ver sha u ungwan ga;

Yeremia 35:15

Shi M tindi mbatomov Av cii, uprofeti her a ven pepe kua aikighe, M kaa Mer: Shi hide nen, hanmô wen nana̱ undu gbenda u nan u bo, sôr nen aeren a en, de kera dondon nen sha mbaaôndo mbagenev sha u eren ve tom ga, nahan né tema ken tar u M na ne kua uter enev la; kpa ne ver ato ga, iko kpaa ne wam her je ga.

Hosea 11:2

Er i yila ve ngegh kpaa, ve hemba yemen a yem ca; ve na Ubaal nagh ku sôngon, man ve nande ieev mbi gban a gba nagh ku human doon.

Hosea 11:7

Ior Av ver ishima u geman undun Mo, aluer i lu yilan ve Sha nahan kpaa, mô ve môm nan nôngo u moughon sha kpaa ga.

Sefania 1:7

Huan ving sha ishigh ki Ter AÔNDO! gadia iyange i TER mgbôghom; gadia TER sôr nagh ku sôngon, A tsegha mbavannya Nav.

Mateu 21:34

Shighe u atam a wain la kom yô, a tindi mbayev nav hen mbashirensule mbala, er ve̱ za ngohol un atam a wain.

Mateu 23:37

Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!

Mateu 3:2

lu kaan er: Gema nen asema, gadia tartor u Sha mgbôghom ve.

Mateu 9:15

Yesu kaa a ve er: Mbayaren iniongo i kwasehe vea fatyô, u zungwen zum u orkwasehe a lu a ve imôngo laa? Kpa ayange nga van a á tôô ve orkwasehe kera; ka zum la man vea hôr kwaghyan ye.

Luka 13:34

Kpash! Yerusalem, Yerusalem, we u u woo uprofeti man u te mba i tindi ve her a we, awen ne! Ka acin a me je man i lum pe kohol ônov ou er ngôikegh ka a kohol ônov nav, shin akper a na nahan, kpa ne rumun ga!

Luka 15:28

Maa a gba yuwen, a venda u nyôron. Tsô ter na due za zamber a na.

Luka 19:27

Kpa mbaihomov av mbala mba ve rumun er m̱ lu tor ve ga la yô, va nen a ve heen, va wua nen ve sha ishigh yagh.

YOHANE 5:40

Nahan kpaa ka ne ka van her a Mo sha er ne̱ zua a uma ga.

Aerenakaa A Mbaapostoli 13:45

Kpa er Mbayuda nenge a ikpelaior kpishi nahan yô, iwuhe iv ve ken asema, ve gba nyiman kwaghôron u Paulu la, tuhwan.

Mbaromanu 10:21

Kpa sha kwagh u Iserael yô, a kaa er: M shi dughun ave didi hen nongoior u hemban ato u nyiman kwagh.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mbaheberu 9:15

Ka sha kwagh ne A lu Orhimen u ikuryan i he ye, sha er mba i yer ve yô, ma ve zough a dyako u tsôron u i tende zwa la gadia A kpe ku sha u paan atindi a peren a ken ikuryan i tse la.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.

1 Samuel 9:13

Né nyôron ken gar yô, né kohol un, er a lu a unde ijiir i taven sha, sha u za yan kwagh ga yô; gadia ior vea gba yan ga, saa una za ve, gadia ka un a veren nagh ku sôngon doo doo man mba i lehe ve la ve masen yan ye. Yô, kôndo nen je, gadia ka hen shighen ne je né kohol un ye.