Mateu 22:10 - ICIGHAN BIBILO

¹⁰ Mbayev mbala za sha igbenda za kohol mba ve zua a ve cii, mbabov man mbadedoo, nahan iyou i iniongo la iv a mbayaren iniongo.

Mateu 22:10 Iomraidhean Croise

Mateu 13:38

Sule la yô, ka tar; ivor i dedoo la yô, ka ônov mba tartor; ivor i bo la gema ka ônov mba iferor.

Mateu 22:9

Yô, za nen sha akahar a igbenda, mba nea kohol ve cii, lôhô nen ve, ve̱ va hen iniongo i kwasehe.

Mateu 25:10

Tsô mba ngur yemen sha u za yamen yô, orkwasehe za va; mba ve wa ago iyol la ve nyôr a na imôngo ken iyou i iniongo i kwasehe maa i wuhe hunda.

Mateu 9:15

Yesu kaa a ve er: Mbayaren iniongo i kwasehe vea fatyô, u zungwen zum u orkwasehe a lu a ve imôngo laa? Kpa ayange nga van a á tôô ve orkwasehe kera; ka zum la man vea hôr kwaghyan ye.

2 Mbakorinte 12:21

M ngu cian mer, aluer me shi me va yô, Aôndo wam Una heem sha ashe a en, á gba u me zungwe sha kwagh u mbagenev kpishi mba ve vande eren isholibo kpa ve lu a gema ishima sha hôngor ve man sha idya i eren man sha ijimba i ve lu eren la kpaa ga.

1 Yohane 2:19

Ve due ken vese, kpa ve lu mba ken a vese ga, gadia vea lu mba ken a vese yô, ma ve lu a vese heregh, kpa ve due sha u á pase er i lu ve cii ve lu ken vese ga yô.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,

Mpase U Yohane 7:9

Ken masetyô u akaa ne yô, m ver ashe, yô, nenge, zegeikpelaior lu, ma or fatyô u ôron i iyenge ga, ve due ken hanma ikurior man hanma nongo man hanma nongoior man hanma zwa kpaa. Ve tile sha ishigh ki ikônough ki torough kila man sha ishigh ki Waniyôngo ve haa akondo a pupuu iyol shi ve lu a andar a avilegh sha ave.