Mateu 21:5 - ICIGHAN BIBILO

⁵ Kaa nen wankwase u Shion ner: Nenge, Tor wou ngu van her a we, ngu a ishima i legh legh, a henda ngôjaki man wan, ka wan u jaki.

Mateu 21:5 Iomraidhean Croise

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

2 Samuel 16:2

Tor pine Shiba er: Ka u ka eren nyi a akaa nee? Shiba kaa er: Ujaki yô, ka sha ci u mbayev mba tor ve̱ henda, ubredi man atam a ikon a vian ne yô, ka sha ci u mbayev ve̱ ya, wain yô, ka sha ci u mba ve ver ken toho yô, ve̱ ma.

1 Utor 1:33

Tor kaa a ve er: Kua nen a mbayev mba ter wen, penda nen wan wam Solomon sha alfadari wam iyol yam, za nen a na shin Gihon;

1 Utor 10:26

Solomon kohol akekeautya kua mbaanyinyav; a lu a akekeautya dubu man deri unyiin, man mbaanyinyav dubu pue kar uhar, a ver ve ken agar a akekeautya a lu ker yô, man hen tor ken Yerusalem kpaa.

Upasalmi 9:14

sha u m̱ pase iwuese You cii; ka ken ihinda i wankwase u Shion la, me ember myom Wou ye.

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 40:9

Unde sha uwo u taven, we Shion u u yee loho u dedoo ne; genger imo taver taver, we Yerusalem u u yee loho u dedoo ne, genger imo de cie ga, kaa agar a Yuda wer: Nenge, Aôndo wen Ngun!

Yesaia 62:11

Nenge, TER yôô zan zan ar ken ikighir i tar je, er: Kaa wankwase u Shion wer: Nenge, myom wou ngu van; nenge, injar Na ngi a Na, man iyevoron Na kpaa ngi zan Un sha hemen.

Esekiel 34:24

Mo TER Me hingir Aôndo ve, man wanakiriki Wam, Davidi, una tema tor sha a ve; ka Mo TER M kaa nahan ye.

Esekiel 37:24

Wanakiriki Wan Davidi una tema tor sha a ve; ve cii vea lu a orkuran môm; vea zenden ken akaaôron a Am a jirigh, vea waan akaawan a Am iko man vea eren sha mi kpaa.

Hosea 1:7

Kpa Me zungwe ya u Yuda mhôônom, Me yima ve sha er M lu TER, Aôndo ve yô; Me yima ve sha ada shin sha sanker shin sha ikav mbi utyav shin sha anyinya shin sha mbaanyinyav kpaa ga.

Mika 5:2

Kpa we Betelehem-efarata, er u lu kpeghee ken ikwe i Yuda, nahan kpaa ka ken a we or una duem, u una lu Orkurantar ken Iserael ye, mdugh Na hii tsuaa je sha ayange a ngise ngise la.

Numeri 24:19

una tema ken Yakob una kuran tar, una tim mba ve shi ken gar kera.

Mateu 11:29

Tôô nen igbur Yam sha ayol a en, va hen nen kwagh sha ikev Yam, gadia M ngu ishima legh legh, man M kehen ityough kpaa ga, tsô né zua a mmem ken asema a en;

Mateu 2:2

ve pine er: Tor u Mbayuda u i mar Un ne, ka han A lu? Gadia se nenge ishan Na sha ityoughkitaregh, man se ve ser, sé va civir Un ye.

Mateu 2:6

We, Betelehem, tar u Yuda, mayange je u lu u gban ijime ken mbahemenev mba Yuda ga; gadia ka ken we je man Orhemen Una due, u Una kuran nongoior Wan Iserael ye.

Mateu 21:6

Mbahenen mbala za, za er er Yesu kaa ve nahan.

Luka 24:27

Hii sha Mose kua uprofeti cii, A gba pasen ve akaa a sha iyol Na ken Icighanruamabera cii.

YOHANE 1:49

Natanael kaa a Na er: Rabi, U ngu Wan u Aôndo, U ngu tor u Iserael.

2 Mbakorinte 10:1

Mo Paulu iyol yam m ngu zamber a ven sha ishima i legh legh man ishima i sar sar i Kristu, mo u m lu or u cian kwagh sha ishigh yenegh zum u m lu a ven la, kpa ka mea lu a ven her ga yô, m hingir u cihin kwagh.

Duteronomi 17:16

Nana̱ de seer a seer anyinya kpishi sha ci u nan ga, shi nana̱ de hidi a ior ken Igipiti sha u nana̱ seer anyinya ga; gadia TER vande kaan ne je er: Mayange de kera shi hidi nen sha gbenda la ga.

Mbaajiriv 12:14

A lu a ônov akunduahar mba nomso, man shi ônov mba ônov nav mba nomso ikundugber, mba ve hendan agumajaki akunduatargber; a lu orjir u Iserael anyom anigheni.

Mbaajiriv 5:10

Ne mba ne hende anmgbianajaki a pupuu, ne mba ne tem sha ubutu mba mimi, man ne mba ne kar sha gbenda, yôô nen kwagh ne.