Mateu 21:32 - ICIGHAN BIBILO

³² Gadia Yohane va hen a ven sha gbenda u perapera, kpa ne na un jighjigh ga; kpa ve mbangoholkpandegh man udyambaiorov yô, ve na un jighjigh; man er ne nenge nahan kpaa, ne kera hire ne vaa afanyô ne na un jighjigh ga.

Mateu 21:32 Iomraidhean Croise

Yesaia 35:8

Kômgbenda una lu her, á yila un er Icighangbenda; or u nan lu wang ga yô, nana kar sha mi ga; kpa una lu sha ci ve, mbazenden sha mi kua abumeaior je kpaa vea tsume sha mi ga.

Yeremia 6:16

TER ngu kaan nahan er: Tile nen sha igbenda, nenge nen, pine nen igbenda i tse, henpe gbenda u doon shi u lu yô, zende nen sha u, tsô nea zua a mmem sha ci u uuma enev; kpa ve kaa er: Ka se ka zenden sha mi ga.

Mateu 11:18

Gadia Yohane va, lu yan kwagh ga, lu man kwagh kpaa ga, kpa mba kaan er: Ngu a jijingi u bo.

Mateu 21:25

Batisema u Yohane la yô, ka han a dughu? Ka Sha a dugh shin ka hen ioro? Ve gba henen ayol a ve er: Aluer sea kaa ser: Ka Sha yô, Una kaa a vese er: Ka nyi ne na un jighjigh ga?

Mateu 21:31

Nahan ken ve̱ mba uhar mbala, ka an nan er ishima i ter na? Ve kaa er: Ka u masejime la. Yesu kaa a ve er: Mimi je, M ngu kaan ne, mbangoholkpandegh man udyambaiorov mba vanden nyôron tartor u Aôndo a ven.

Mateu 5:46

Gadia aluer ka mba ne doo ve ishima la tsô vea doo ne ishima yô, ka nyi injar ne lu a mini? Mbangoholkpandegh kpaa kape ve eren je la gaa?

WASHIKA U SHA UHAR U PAULU APOSTOLI TINDI HEN TIMOTEU - 2TI 2:25

nana̱ kôôm mbahendan kwagh a nan sha ishima i legh legh. Alaghga Aôndo Una na ve mgemshima vea kav mimi,

Mbaheberu 3:12

Ver nen ishima, anmgbianev, sha u boshima u nan jighjigh ga a̱ de luun ken hanmô wen sha u né undu Aôndo u uma ga.

2 Peteru 2:21

Gadia guda her a ve u ma ve fe gbenda u perapera ga a u ve vande fan u kera man ve gem ve undu icighantindi u i na ve la.

Mpase U Yohane 2:21

M na un ian Mer, a̱ gema ishima, kpa sar un pe geman ishima den idya na la ga.