Mateu 21:19 - ICIGHAN BIBILO

¹⁹ Nengen a itine i tur sha kpegbenda yô, A za hen i kpa A zua a ma ityamegh sha mi ga saa ika tseegh; A kaa a i er: Mayange ú kera ume atam sha won ga. Tsô kon la maa uma gyoghokoko.

Mateu 21:19 Iomraidhean Croise

Yesaia 5:2

a kaha u, a sange awen ken u kera, a lôô ikon i wain i hemban doon cii ker, a maa gôgôyou u taven her atô u u, man a time ihungwa i shoghol wain shimi, A ver ishima er ua ume atam a wain a dedoo, kpa u gema u ume atam a bo.

Yeremia 8:13

Me kohol ve, Me kura kera, kape TER A kaa ne; atam a wain kera nga sha kon u wain ga, man atam a tur kpaa kera nga sha kon u tur ga, ika kpaa ngi usen kera; akaa a M ne ve yô, nga karen her a ve kera.

Mateu 21:20

Mbahenen mba nengen nahan yô, kpiligh ve iyol, ve kaa er: Er nan man tur ne a om gyoghokoko yum nahana?

Marku 11:14

A gema A kaa a na er: Mayange mayange ma or nana̱ de kera shi ye atam a ou ga. Yô, mbahenen Nav lu ungwan.

Marku 11:20

Mba ngur karen pepe yô, ve nenge tur la uma, hii shin amise na je.

Luka 3:9

Ahegen kpaa i ver ijembe hen misekon; hanma kon u u um atam a injaa ga yô, á gber u kera, á kende ken usu.

YOHANE 15:2

Hanma gbaa u ker a Mo u a um ga yô, ka A kar a mi sha; man shi hanma gbaa u a um yô, ka A sôr un sha er una shi á hemba umen atam yô.

YOHANE 15:6

Or ka nana luun ken a Mo ga yô, i gbihi nan kera er gbaa nahan, nan uma je; i kohol a, i nande sha usu, a hia.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:5

Sha ashe yô mba a mlu u civir Aôndo la kpa mba geman mba nyiman agee la. Nyagh ambaaior la.

Titu 1:16

Ka ve pase er ve fa Aôndo kpa mba gem mba nyiman Un sha aeren a ve la; kwagh ve ndôhôr ishima, ka mbahembanato kpaa, ve kuma u eren ma kwagh u injaa ga.

Yuda 1:12

Mban ka acan ken uiniongo enev; mba gbe yan kwagh imôngo gbar gbar tsô, mba we ayol a ve iko tseegh, ka abeen a lun a ura ga, a ahumbe a karen a mi sha yô, ka ikon i lun a atam ga sha shighe u inyom i bee la, i kpe kwa har, i wuhe i kera.

Mpase U Yohane 22:11

Or u eren ifer yô, nana̱ seer a seer eren ifer, or u nan we ibinga yô, nana̱ seer ibinga, or u perapera yô, nana̱ seer a seer eren perapera, u nan lu icighanor yô, nana̱ seer a seer lun icighanor.