Mateu 20:30 - ICIGHAN BIBILO

³⁰ Mbaapirashe uhar tema hen kpegbenda. Tsô er ve ungwa er Yesu lu karen yô, ve genger amo, ve kaa er: Zungwe se mhôônom, Tere, Wan u Davidi!

Mateu 20:30 Iomraidhean Croise

Upasalmi 146:8

TER bughun ashe a mbaapirashe, TER kenden a mba ve lu ngugh ngugh la sha, mbaperapera doo TER ishima.

Yesaia 29:18

Sha iyange la mbaakondoato vea ungwa akaaôron a ruamabera, man ashe a mbaapirashe kpaa, mba ve lu ken aôndoaimegh man ime, vea nenge kera.

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Yesaia 42:18

Ne mbakondonato, ungwa nen, ne mbaapirashe, kenger nen, sha er né nenge yô.

Yesaia 59:10

Se mba peven kpekpe yemen er mbaapirashe nahan; een, se mba peven er mba ve lu a ashe ga yô; iyange sha tembe kpaa se mba nôngon gbev er ka shighe u aôndoaimegh yô; se mba ken atô u mbataveryol er ka mbakpenev nahan.

Mateu 13:4

Ngur tan yô, ivor igen haa sha kpegbenda; inyon va, sange i, ya.

Mateu 15:22

Tsô kwase ugen u ken Kanaan u a lu ken iningirtar la, a genger imo, a kaa er: Zungwem mhôônom Tere, We Wan u Davidi, jijingi u bo ngu eren wan wam u kwase ican tsung.

Mateu 20:31

Ikpelaior la gema yange ve er ve̱ huan ayôôso; kpa ve seer a seer genger amo kaan er: Zungwe se mhôônom, Tere, Wan u Davidi!

Mateu 21:14

Mbaapirashe man mbasombon va her a Na ken tempel nahan A bee ve angev.

Mateu 21:9

Ikpelaior i zan Un sha hemen man i dondon Un ken ijime, ve gba genger amo, kaan er: Hosana Wan u Davidi, i̱ wuese Un u A ve ken iti i Ter la; Hosana sha Usha mba hemban gban ica la.

Mateu 22:42

A kaa er: Ne nenge sha kwagh u Kristu nana? Ka Wan u ana? Ve kaa a Na er: Ka Wan u Davidi je.

Marku 10:46

Tsô ve va ken Yeriko. Ngur duen ken Yeriko, Un kua mbahenen Nav man ikpelaior kpishi yô, orsônonkwagh u a lu orapirashe, iti na er Bartimeu, wan u Timeu, tema hen kpegbenda.

Luka 4:18

Jijingi u Ter ngu sha a Mo, sha ci u A shighem mkurem, A tindim er M̱ yôô Loho u Dedoo hen mbaatsanev,

Luka 7:21

Hen shighe la A war ior kpishi sha uange man sha umkpeyolga man sha ujijingi mba bov, man shi mbaapirashe kpishi kpaa A na ve mnenge kera.

Aerenakaa A Mbaapostoli 2:30

A lu profeti je shi a fa er Aôndo bum a na sha ibumzwa er ka or u ken tsombor na je, Una ver nan sha ikônough nagh ki torough ye,