Mateu 20:24 - ICIGHAN BIBILO

²⁴ Zum u mba pue mbala ungwa nahan yô, asema gba vihin ve a anmgbianev mba uhar mbala.

Mateu 20:24 Iomraidhean Croise

Anzaakaa 13:10

Iyolgengese ngi ne num tsô; kpa mba ve ngohol mhen u mimi yô, kwaghfan ngu her a ve.

Mateu 20:23

A kaa a ve er: Iyongo Yam yô, né ma kpee; kpa u teman a Mo ken uwegh Agh ku yanegh man ku imesegh yô, ka kwagh Wam er Me na kera ga, kpa ka sha ci u mba Terem A ser ijiir la sha ci ve yô.

Mateu 20:25

Kpa Yesu yila ve her a Na, kaa er: Ne fa er utor mba ken atôatyev ka ve manger sha a ve, man mbatamen vev kpaa ve eren tahav sha a ve;

Marku 10:14

Tsô Yesu nengen nahan yô, ishima vihi Un, A kaa a ve er: De nen mbayev mba kiriki, ve̱ va her a Mo; de kera yangen nen ve ga, gadia ka anza a mban ne je tartor u lu u ve ye.

Marku 10:41

Er mba pue mbala ungwa nahan, asema gba vihin ve a Yakobu man Yohane.

Luka 13:14

Ka vihin orvesen u shinagoge la sha ci u Yesu A bee angev sha iyange i memen yô, a gema a kaa a ikpelaior er: Ayange nga ataratar a a doo u eren tom yô; ka sha a je, vaan nen, i̱ been ne angev ye, kpa i̱ de lu sha iyange i memen ga.

1 Mbakorinte 13:4

Dooshima we ishima, lu sar sar gbe iwuhe ga; dooshima gengese iyol ga, moron iyol kpaa ga,

Mbafilipi 2:3

De eren nen kwagh sha u wan ayol a en iko tseegh shin sha u keren icivir i gbilinigh kpaa ga, kpa hide nen ayol a en ijime; hanma or nana̱ nengen er orgen hemba nan yô.

Yakobu 3:14

Kpa aluer nea lu a iwuhe i yuan ken ishima shin u wan kwagh wen ayol a en iko tseegh yô, de te nen ihagh ga, shi de eren nen aie sha kwagh u mimi kpaa ga.

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.