Mateu 2:8 - ICIGHAN BIBILO

⁸ Tsô a na ve gbenda u zan hen Betelehem, a kaa er: Za nen za time nen sha kwagh u Wanikundan la doo doo; nea zua a Na yô, va ôrom nen, sha er mo kpaa me za, me za civir Un yô.

Mateu 2:8 Iomraidhean Croise

2 Samuel 17:14

Tsô Abesalom kua ior i Iserael cii ve kaa er: Mhen u Hushai Orarkiti ne, hemba mhen u Ahitofel. Gadia TER ver u i̱ bunde mhen u injaa u Ahitofel la, sha er TER Una va a kwaghbo sha Abesalom yô.

1 Utor 19:2

Nahan Yesebel tindi ortyom hen Eliya er a̱ za kaa un er: Mbaaôndo ve̱ er a mo nahan shi i̱ hemba nahan kpaa, aluer kper hen shighe ne nahan mea gema uma wou una hingir er uma u mô ve ga yô.

Anzaakaa 21:30

Ma mfe shin mkav shin mhen u hendan a TER, ngu je ga.

Ukwelegh 3:37

Ka anti nana kaa kwagh, man á kure sha mi aluer TER ngu a na zwa ga yôô?

Mateu 2:1

Tsô er i mar Yesu ken Betelehem u ken tar u Yudia sha ayange a tor Herode yô, mbafankwagh due vegher u sha ityoughkitaregh la, va ken Yerusalem,

Mateu 2:7

Tsô Herode yila mbafankwagh mbala ken myer pine ve vighe vighe sha u ma un fe shighe u ishan la i ande yô.

Mateu 2:9

Mba ongo imo i tor nahan yô, ve gba yemen. Yô, ishan i ve nenge a mi sha ityoughkitaregh la, lu zan ve sha hemen zan zan i za tile sha hen ijir i Wanikundan la lu la.