Mateu 2:2 - ICIGHAN BIBILO

² ve pine er: Tor u Mbayuda u i mar Un ne, ka han A lu? Gadia se nenge ishan Na sha ityoughkitaregh, man se ve ser, sé va civir Un ye.

Mateu 2:2 Iomraidhean Croise

Upasalmi 2:6

Nahan kpaa, Mo M ver Tor Wam sha icighanwo Wam, Shion.

Upasalmi 45:11

ka nahan man á sar tor a dooashe wou ye, gadia un ka teru je; gure civir un kpaa.

Yesaia 60:3

Akuraior aa va hen iwanger you, utor kpaa vea va hen iwanger i i mondo sha a we la.

Yeremia 23:5

Nenge, ayange nga van, kape TER A kaa ne, a Me mough Davidi a Gbaa u perapera, Una tema tor, Una eren kwagh sha kwaghfan, Una ôr ijir sha mimi man Una er perapera sha tar.

Yeremia 30:9

kpa vea er TER, Aôndo ve, tom, kua tor ve Davidi u Me ver ve la.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Numeri 24:17

M nenge a na, kpa ka hegen ga; m ta ashe m nenge a na, kpa ka ikua ga; ishan ia due ken Yakob, tôgh ku torough kua lu hen Iserael, una hembe a-ase a Moabi, una zôhô ônov mba Setu.

Mateu 2:3

Tor Herode ongo nahan yô, ishima ta un kwe, kua ior mba ken Yerusalem cii a na imôngo.

Mateu 21:5

Kaa nen wankwase u Shion ner: Nenge, Tor wou ngu van her a we, ngu a ishima i legh legh, a henda ngôjaki man wan, ka wan u jaki.

Mateu 27:11

Tsô Yesu tile sha ishigh ki gomna. Gomna pine Un er: U ngu tor u Mbayuda? Yesu kaa er: U kaa tsô.

Luka 19:38

ve gba kaan er: I̱ wuese Tor u A ve ken iti i Ter! Bem a̱ lu Sha kua iengem sha Usha mba hemban gban ica la.

Luka 2:11

gadia i mar ne Oryiman ken gar u Davidi nyian, ka Kristu Ter je la.

Luka 23:3

Pilatu pine Un er: We, U ngu tor u Mbayuda? A gema A kaa a na er: U kaa tsô.

Luka 23:38

Kwaghngeren kpaa lu sha henpe ityough Nagh lu la, er: Ngun ka tor u Mbayuda je.

YOHANE 1:49

Natanael kaa a Na er: Rabi, U ngu Wan u Aôndo, U ngu tor u Iserael.

YOHANE 12:13

nahan ve tôô andar a avilegh, ve due u za keghen Un gbenda, ve gba genger imo, kaan er: Hosana! I̱ wuese Un u A ve ken iti i Ter la, ka Tor u Iserael je la.

YOHANE 18:37

Tsô Pilatu kaa a Na er: Nahan U ngu tor zee? Yesu gema kaa er: U kaa sha mi, M ngu tor. Ka sha ci u nahan i marem, shi ka sha ci u nahan kpaa M ve shin tar ne, sha er Me pase mimi ye. Hanma or u nan lu or u mimi yô, nan ongo imo Yam.

YOHANE 19:19

Shi Pilatu nger kwaghyôôn var sha terankon la; i nger er: Yesu Ornasareti, Tor u Mbayuda.

YOHANE 20:28

Toma gema kaa a Na er: Terem man Aôndo Wam.

YOHANE 5:23

sha er ior cii ve̱ civir Wan er ve civir Ter nahan. Or u nan civir Wan ga yô, nan civir Ter u A tindi Un la kpaa ga.

YOHANE 9:38

Tsô a kaa er: Tere, m na jighjigh! Nahan a gba civir Un.

Mbaheberu 1:6

Man zum u A lu ôron u shi nyôron a Wan Na u iunda shin tar la yô, A kaa er: Mbatyomov mba Aôndo cii, ve̱ gure inya, ve̱ civir Un.

Mpase U Yohane 22:16

Mo Yesu, M tindi ortyom Wam sha u a̱ er ne shiada sha akaa ne ken iniongo i Kristu. Mo M ngu mise man tsombor u Davidi man shi Ishan i sha use i engem la.