Mateu 19:22 - ICIGHAN BIBILO

²² Kpa er wanyekwaor la ungwa kwaghôron la nahan yô, a yem a ishima i vihin, gadia lu a inyaregh kpishi.

Mateu 19:22 Iomraidhean Croise

Upasalmi 17:14

man sha ikev i ior, sha uwegh Ough je, TERE, sha ikev i ior i tar, i kwar ve u lu hen uma ne, mba U mgbough iyav vev a kwagh u U vande veren sha ci ve la, je ônov vev kpaa kuma ve gbing gbing, ve di kpaa mba undun akaa ve a a neer la sha ci u ônov vev.

Esekiel 33:31

Mba van her a we er ior ve ve nahan, ve tema sha ishigh you er ka ior Av nahan, ve ungwa akaaôron a ou, kpa mba eren sha a ga; gadia mba tesen dooshima ve sha zwa kpishi, kpa ishima ve yô, ngi sha mtsera ve.

Mateu 13:22

Man u i te ivor i nan ken usaa yô, ka u ka nan ungwa kwaghôron la kpa anzughul a tar ne a nyian ishima man icugh i inyar ve va imbishi kwaghôron la, a kera ume atam ga.

Mateu 14:9

Nahan ishima vihi tor kpishi; kpa sha ci u mbum na la, man sha ci u mba ve tem hen kwaghyan la yô, a kaa er, i̱ gba nan un tsô.

Mateu 16:26

Gadia aluer or á zua a tar cii, kpa uma u nan una gema á saa nan yô, á doo nan sha nyi? Shin ka nyi kwagh man or nana na sha u paan uma u nan sha mini?

Mateu 19:21

Yesu kaa a na er: A lu u ka lun vough yô, za za tôô akaa a u lu a mi, tee, na mbaatsanev, tsô ú lu a kwagh u injaa Sha; yô, hide va dondo sha a Mo.

Mateu 19:23

Tsô Yesu kaa a mbahenen Nav er: Mimi je M kaan ne ne, ka ican u ornyar a̱ nyôr sha tartor u Sha.

Mateu 6:24

Or môm môm ngu u nana fatyô u eren uter uhar tom ga; gadia nana kôr ugen ihom, ugen á doo nan ishima, shin nana var ken ugen, nana laha ugen. Ne fatyô u eren Aôndo tom kua inyaregh kpaa ga.

Marku 10:22

Kpa iyol kpe un sha mkaanem mara, a yem a ishima i vihin, gadia lu a inyaregh kpishi.

Marku 6:26

Tsô ishima vihi tor kpishi; kpa sha ci u mbum na la, man mba ve tema hen kwaghyan la yô, kera doo un u nyumen un ga.

Luka 18:23

Kpa ongo akaa ne nahan yô, ishima gba vihin un kpishi gadia lu or u lun a inyaregh kpishi.

YOHANE 16:20

Mimi mimi je, M kaan ne ne, né va vaa, né zungwe kpaa tar yô, ua ember; asema aa vihi ne kpishi, kpa asema a vihin a en la aa gema á hingir ne iember.

Mbaefese 5:5

Kwagh ne a̱ wanger ne dedoo, hanma or u idya shin or u hwangeregh shin or u hua, ka or u civir akombo je la, nan ngu a dyako ken tartor u Kristu man u Aôndo la je ga.

Mbakolose 3:5

Nahan yô, wua nen alegh a en a shin tar la kera, ka idya man hôngor man ityoronshima man isharen i bo man hua u eren, ka akombo a civir je la.