Mateu 19:21 - ICIGHAN BIBILO

²¹ Yesu kaa a na er: A lu u ka lun vough yô, za za tôô akaa a u lu a mi, tee, na mbaatsanev, tsô ú lu a kwagh u injaa Sha; yô, hide va dondo sha a Mo.

Mateu 19:21 Iomraidhean Croise

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

Genese 6:9

Ingin ka icombor i Noa ne: Noa yô, lu orperapera, lu a acôghol iyol ga, ken ikov na cii; Noa zenden vea Aôndo imôngo je;

Yobu 1:1

Ngise orgen lu ken tar u Ushi, iti i nan er Yobu; or la lu or u mimi, u perapera, u cian Aôndo, paregh kwaghbo.

Upasalmi 37:37

Ver ishima sha or u vough, shi nenge sha or u mimi kpaa, gadia injar ngi sha ci u or u bem;

Mateu 16:24

Tsô Yesu kaa a mbahenen Nav er: Aluer anti or a sar nan pe van a mo ityô yô, nana̱ nyiman iyol i nan, nana̱ tôô terankon u nan, nana̱ dondo sha a Mo.

Mateu 19:20

Wanyekwaor la kaa a Na er: Angan cii, m kura a, shi ka nyi i shimi?

Mateu 19:22

Kpa er wanyekwaor la ungwa kwaghôron la nahan yô, a yem a ishima i vihin, gadia lu a inyaregh kpishi.

Mateu 19:28

Yesu kaa a ve er: Mimi je M ngu kaan ne, ne mba ne dondo sha a Mo ne, sha mgbe u he, zum u Wan u or Una tema sha ikônough Nagh ki torough ki engem la yô, ne kpaa, né tema sha mkônom ma torom pue kar mhar, ne ôr ikwe i Iserael i pue kar ihar la ijir.

Mateu 4:19

A kaa a ve er: Va, dondon nen sha a Mo, Me gema ne, né hingir mbakôronior.

Mateu 5:48

Nahan yô, lu nen vough er Ter wen u Sha A lu vough nahan.

Mateu 8:22

Kpa Yesu kaa a na er: Dondo sha a Mo, de mbakpenev ve̱ ii mbakpenev vev.

Mateu 9:9

Tsô Yesu moughon heera kera yô, A nenge a orgen, iti na er Mateu, tema hen iyou i ngohol kpandegh; A kaa a na er: Dondo sha a Mo. Tsô a mough a dondo sha a Na.

Marku 10:21

Yesu gem kenger un yô, a doo Un ishima, a kaa a na er: Kwagh shi u môm tsô; za, za tôô akaa a u lu a mi la cii, tee, na mbaatsanev, nahan wea lu a kwagh u injaa Sha; yô, va dondo sha a Mo.

Marku 2:14

Ngur karen yô, a nenge a Levi wan u Alefeu, tema ken iyou i ngohol kpandegh, A kaa a na er: Dondo sha a Mo. Tsô a mough a dondo sha a Na.

Marku 8:34

A yila ikpelaior man mbahenen Nav her a Na, A kaa a ve er: Aluer anti or a sar nan pe van a Mo ityô yô, nana̱ nyiman iyol i nan, nana̱ tôô terankon u nan nana̱ dondo sha a Mo.

Luka 12:33

Gema nen inyaregh yenegh tee nen, na nen iwua. Kor nen akpa a inyar a a bee iyol ga la sha ci wen, ka kwagh u injaa u a lu Sha u una bee ga, ape ormbaiv nana mgbôghom a min ga, ivina kpaa ia vihi ga yô;

Luka 14:33

Ka nahan man hanmô wen u nan undu inyarev mbi nan cii ga yô, nana fatyô u lun orhenen Wam ga.

Luka 16:9

Man M kaan ne, kôr nen akar sha inyaregh ki ki lu perapera ga ne, sha u zum u kia kera lu ga yô, vea rumun ne ken atumbe a tsôron yô.

Luka 18:22

Er Yesu ungwa nahan yô, A kaa a na er: Kpa kwagh shi u môm tsô: Tôô akaa a u lu a mi la cii tee, na mbaatsanev nahan wea lu a kwagh u injaa Sha yô, va, va dondo sha a Mo.

Luka 5:27

Ken masejime u akaa la, A due, tsô A nenge a orngoholkpandegh ugen, iti na er Levi, a tema ken iyou i ngohol kpandegh A kaa a na er: Dondo sha a Mo.

Luka 6:40

Orhenen hembe ortesen u nan ga; kpa hanma or u i tese nan nan kom vough yô, nana hingir er ortesen u nan nahan.

Luka 9:23

A kaa a ve cii er: Aluer anti or a sar nan pe van a Mo ityô yô, nana̱ nyiman iyol i nan, nana̱ tôô terankon u nan ayange ayange, nana̱ dondo sha a Mo.

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.

YOHANE 12:26

Aluer anti or nana eren Mo tom yô, Ter Una civir nan, nana̱ dondo sha a Mo; hen ape Mo M lu la, ka her je man or u nan eren Mo tom kpaa nana lu ye. Aluer anti or nana eren Mo tom yô, Ter Una civir nan.

Aerenakaa A Mbaapostoli 2:45

Ve tee akaa a ve man inyarev vev, ve kar ayol a ve sha gbayol u hanma or.

Mbaheberu 10:34

Gadia mbakwarev kpaa, mhôônom kôr ne a ve; zum u i ya ne ishar kpaa, vihi ne ga ne lu saan saan je gadia ne ayol a en kpaa ne fa er ne lu a kwagh u hembandoon man u lun gbem yô.