Mateu 19:17 - ICIGHAN BIBILO

¹⁷ A kaa a na er: Ka nyi u pinim sha kwagh u a lu u dedoo? U A lu u dedoo yô, ngu môm tsô. Kpa á sar u ka nyôron ken uma yô, kura atindiakaa.

Mateu 19:17 Iomraidhean Croise

Nehemia 9:29

shi U pase ve ibo ve, sha u hiden a ve hen atindi a Ou; nahan kpaa ve er kwagh sha ityough ki kehen, ve ver ato sha atindi a Ou ga, kpa ve er kwaghbo, ve laha ajiraôron a Ou, a or nana wa a iko yô, nana lu uma sha a la, ve yoghol akende, ve nômbo ikôr, ve venda u ungwa.

Upasalmi 119:68

U doo, man U eren akaadoon kpaa, tesem akaawan a Ou.

Upasalmi 52:1

We, orageegh, ka nyi man u manger sha kwaghbo nahana? Erdoo u Aôndo ngu her zan zan.

Esekiel 20:21

Nahan kpaa ônov mbala hendan a Mo, ve zende sha akaawan a Am ga, man ve wa akaaôron a Am a jirigh iko sha u vea er sha mi kpaa ga, a or nana er sha mi, man nana lu uma yô; ve hôngor a ayange a memen a Am; nahan M kaa Mer, Me haa iyugh Yam sha a ve, sha u kuren ishimavihin Yam jimin cii sha a ve ken desereti.

Levitiku 18:5

Yô, waan nen akaawan a Am man akaaôron a Am a jirigh iko, a or á er sha mi yô, nana lu uma sha a; ka Mo TER.

Mbaromanu 10:5

Mose nger er: Or u nan eren perapera u sha atindi la yô, nana lu uma sha mi.

Yakobu 1:17

Hanma nagh ku dedoo man hanma iwua i vough kpaa ka Sha hen Ter u iwanger ve dugh, ve senen ye. Un yô, ma mgem ngu ken a Na ga, shin mure u mgem tsô kpaa ga.

1 Yohane 4:16

Se yô, se kav man se na dooshima u se doo Aôndo ishima la jighjigh kpaa. Aôndo ka dooshima je; man u nan tem ken dooshima yô, nan ngu ken Aôndo, Aôndo kpaa ngu di ken a nan nahan je.

1 Samuel 2:2

Mô u lun wang er TER nahan nan ngu ga; gadia mô ngu ga, saa We; ma vande u lun er Aôndo wase kpaa ngu ga.