Mateu 19:16 - ICIGHAN BIBILO

¹⁶ Yô, orgen va her a Na va kaa er: Ortesen u dedoo, ka nyi tom i dedoo me er sha u me zua a uma u tsôrono?

Mateu 19:16 Iomraidhean Croise

Daniel 12:2

Ior kpishi ken mba ve lu yaven shin vuulevu u taregh vea nder, mbagenev sha u zan ken uma u tsôron, man mbagenev di sha u zan ken kunya man iheen i been mayange ga.

Mateu 19:15

Tsô A penda ve ave sha ityou man A mough keregh ye.

Mateu 19:26

Kpa Yesu gem kenger ve yô, kaa a ve er: Or yô, fe kwagh ne ityô ga, kpa Aôndo yô, fe akaa cii ityô.

Mateu 19:29

Man shi hanmô u nan undu uya shin anmgbianev mba nomso, shin mba kasev, shin ter, shin ngô, shin ônov, shin ishule sha ci u iti Yam yô, nana shi á zua a mi kwa akunduatar shi nana zua a uma u tsôron kpaa.

Mateu 25:46

Mbala vea kar vea yem ken mtsaha u tsôron; kpa mbaperapera yô, vea nyôr ken uma u tsôron.

YOHANE 10:28

Mo m ne i uma u tsôron ia tim mayange ga, ma or kpaa nana tsuwem i sha ikev je ga.

YOHANE 12:25

Or u uma u nan a doo nan yô, uma la una saa nan; kpa u nan ker uma u nan ihom shin tar ne yô, nana lu a mi zan zan uma u tsôron.

YOHANE 3:15

sha er anti or u nan ne Un jighjigh yô, nana̱ zua a uma u tsôron.

YOHANE 4:14

Kpa hanma or u nana ma mngerem ma Mo Me na nan yô, imura ia kera kôr nan mayange ga; kpa mngerem ma Me na nan mara, maa hingir imbormnger ken a nan, maa saar zan zan uma u tsôron.

YOHANE 5:39

Ne mba timen ken icighanruamabera sha ci u ne mba henen ner, ka sha a ve man né zua a uma u tsôron ye; yô, ka ve je ve pasen kwaghwam ye.

YOHANE 6:47

Mimi mimi je, M kaan ne ne, or u nan ne jighjigh yô, nan ngu a uma u tsôron.

YOHANE 6:68

Shimon Peteru gema kaa a Na er: Tere, ka hen an je shi sé zaa? Ka We U lu a mkaanem ma uma u tsôron ye.

Aerenakaa A Mbaapostoli 16:30

Tsô a due a ve ken won, a kaa er: Uter av, me er nan man me wara?

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

1 Timoteu 1:16

Ka nahan man i zungwen mhôônom ye, ka sha u Yesu Una tese ishimawan Na cii ken mo u m hembe ne, i̱ hingir mbagenev ikav mba vea mase va nan Un jighjigh sha u zuan a uma u tsôron yô.

1 Timoteu 6:12

Nôngo ityav mbi dedoo mbi jighjigh u nan la, naregh kôr uma u tsôron u i yila u sha mi la gbang, u u pase mpase u dedoo sha mi sha ishigh ki mbashiada kpishi la.

1 Timoteu 6:19

nahan man vea wa imagh ki dedoo sha ci ve ayol a ve ken hemen ye, sha u vea kôr ave sha uma u a lu uma jim la.

Titu 1:2

ka sha ishimaveren keghen uma u tsôron, u Aôndo u A eren aie ga la, A tôndo zwa je er shighe lu a lu ga la.

Titu 3:7

sha u i̱ na se ishô sha mrumun u sha mhôôn Na, se̱ hingir mbayandyako sha ishimaveren keghen uma u tsôron la.

1 Yohane 1:2

uma la yô, i due a na ken igbar, se nenge a na man se mba eren shiada sha kwagh na, se mba ôron ne kwagh u uma u tsôron u a lu vea Ter imôngo u i pase se un la—

1 Yohane 2:25

Man ityendezwa i A tende a vese ne yô, ka uma u tsôron.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

Yuda 1:21

Kuran nen ayol a en, luun nen ken dooshima u Aôndo. Kegh nen mhôônom ma zungwen ma Ter wase Yesu Kristu u a lu zan ken uma u tsôron la.