Mateu 19:14 - ICIGHAN BIBILO

¹⁴ Kpa Yesu kaa er: De nen mbayev mba kiriki, de kera yangen nen ve u van her a Mo ga, gadia ka anza a mban ne je tartor u Sha u lu u ve ye.

Mateu 19:14 Iomraidhean Croise

Genese 21:4

Aberaham tsôngo wan na Isaka zum u a kuma ayange anigheni yô, er Aôndo kaa un nahan.

Mateu 11:25

Hen shighe la Yesu gema kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô.

Mateu 18:3

A kaa er: Ka mimi je, M kaan ne ne, saa né gema né hingir er mbayev mba kiriki nahan, gayô, mayange né nyôr tartor u Sha ga.

Mateu 19:15

Tsô A penda ve ave sha ityou man A mough keregh ye.

Mateu 5:10

Saan mba i eren ve ican sha ci u kwagh u perapera la iyol, gadia tartor u Sha ka u ve je.

Mateu 5:3

Saan mba ve lu mbaibanave ken jijingi la iyol, gadia tartor u Sha ka u ve je.

Marku 10:14

Tsô Yesu nengen nahan yô, ishima vihi Un, A kaa a ve er: De nen mbayev mba kiriki, ve̱ va her a Mo; de kera yangen nen ve ga, gadia ka anza a mban ne je tartor u lu u ve ye.

Marku 10:15

Mimi je, M kaan ne ne, hanma or u nana rumun tartor u Aôndo er wanye u kiriki nahan ga yô, mayange je nana nyôr ker ga.

1 Mbakorinte 14:20

Anmgbianev av, de kera luun nen yev yev sha mhen wen ga; sha gbenda u kwaghbo yô, lu nen anikundanev, kpa sha mhen yô, lu nen mbavesen.

Mbaajiriv 13:7

man a kaam er: Nenge, wan you iyav, ú mar wannomso; hegen yô, de kera me wain ga, shin hanma kwagh u man hunden kpaa ga, man de ye ma kwagh u lun wang ga ze; gadia wanakiriki la una lu Ornaseri u Aôndo er a lu ken uya je, zan zan á ar sha iyange i kuugh na.

1 Samuel 1:11

Nahan a tsegha zwa a kaa er: TER u akum a Sha, aluer Wea rumun, Wea nenge ican i kpan Wou u kwase, Wea umbur mo, kpan Wou u kwase á hungul We ga, Wea na kpan Wou u kwase wan u nomso yô, mo kpaa me na TER un sha ayange a á lu uma cii, atsem kpaa á kar un sha ityou ga.

1 Samuel 1:22

Kpa Hana za ga; gadia a kaa a nom na er: Mo me za ga; saa wan á de atumba ve, man me za a na ye, sha u a̱ za tile sha ishigh ki TER, a̱ lu ker gbem.

1 Samuel 1:24

Zum u a de atumba yô, a mough a na kua anomabua atar, man mwem kuma efa môm, kua ikpa i wain, a va a mi hen ya u TER hen Shilo; yô, wan la lu kpeghee je.

1 Samuel 2:18

Kpa Samuel yô, lu eren tom sha ishigh ki TER, lu wanye je, a har efodi u sha ikondo i pupuu.