Mateu 18:6 - ICIGHAN BIBILO

⁶ Kpa hanmô u nana na u môm ken mbakiriki mban mba ve nem jighjigh ne, gbev mbu nôngon yô, kwagh u a lu nan guda yô, ka u ma i zer nan zegenase sha mon, ma i gbihi shin iv i zegemnger.

Mateu 18:6 Iomraidhean Croise

Upasalmi 105:15

lu kaan er: De bende nen mba M shigh ve mkurem la ave ga, mbaprofeti Av kpaa de eren nen ve kwagh u vihin ga.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Sekaria 2:8

Gadia TER u akum a Sha ngu kaan nahan er, ka sha u m̱ tese icivir Na, A tindim hen akuraior a a ye ishar sha a ven la ye; gadia u nan bende a ven yô, nan bende hongorshe Na je.

Mateu 17:27

Kpa sha u se na ve gbev mbu nôngon ga yô, za shin kpe u zegemnger, za kende tsuwe, tôô ishu i wea vande kôron la; ú bughun i zwa yô, ú zua a shekel môm; tôô, za na ve sha ci Wam vea we.

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Mateu 18:14

Kape i lu ishima i Ter wen u A lu Sha la, u mbakiriki mban, mô ve nana saa ga la.

Mateu 18:5

Man hanmô u nana rumun u môm ken imba i mbayev mba kiriki mban ken iti Yam yô, ka Mo je nan rumun ye.

Marku 9:42

Man shi hanmô u nana na u môm ken mbakiriki mban mba ve nem jighjigh ne, gbev mbu nôngon yô, kwagh u a lu nan guda yô, ka u ma i har nan zegenase sha mon ma i kende nan shin zegemnger.

Aerenakaa A Mbaapostoli 9:5

A kaa er: Ka We ana, Tere? Ter gema kaa er: Ka Mo, Yesu u u tevem a ican ne!

Mbaromanu 14:21

Doo u yan inyam ga, shin u man msôrom kpaa ga, shin u eren nyityô kwagh i nan anmgbian wou anzughul la kpaa ga.