Mateu 18:14 - ICIGHAN BIBILO

¹⁴ Kape i lu ishima i Ter wen u A lu Sha la, u mbakiriki mban, mô ve nana saa ga la.

Mateu 18:14 Iomraidhean Croise

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 18:13

Man aluer nana zua a i yô, mimi je M ngu kaan ne, m-ember u nana ember sha i la, una hemba u sha i akunduanyiingber kar itiankarinyiin i i tsum ga la.

Mateu 18:15

Man aluer anmgbian wou una er u kwaghbo yô, za za tese un ibo na, we vea na tseegh; aluer una ungwa u yô, u yima anmgbian wou je ve.

Mateu 5:16

Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

Mateu 6:32

Gadia akaa ne cii atôatyev nga keren a, kpa Ter wen u Sha fa er kwagh a gbe ne sha akaa ne cii yô.

Mateu 6:9

Yô, eren nen msen nahan, ner: Ter wase u Sha, i̱ tsegha iti You,

Luka 12:32

Ne anikumuile u kpeghee ne, de cie nen ga! Gadia i doo Ter wen u nan ne tartor la.

YOHANE 17:12

Er M lu a ve, M kuran mba U nem la, ken iti You. M kumba ve doo doo, mô ve môm kpaa saa ga, saa wan u mtim, sha er icighanruamabera una kure sha mi yô.

YOHANE 21:15

Mba ye kwagh kera yô, Yesu kaa a Shimon Peteru er: Shimon, wan u Yona, M hemba doon we ishima a mbana? A kaa a Na er: Een, Tere, U fa er U doom yô. A kaa a na er: Koson Mo aniyôngov av.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:10

Ka nahan man m we ishima sha akaa cii ye, sha ci u uicuwanmbaiorov, sha u ve kpaa, ve̱ zua a myom u ken Kristu Yesu la kua iengem i tsôron.

Mbaheberu 12:13

Dugh nen ihyange i nôô sha ci u angahar a en sha u kwagh u a keer la yô, a̱ de ndivir ga, kpa guda yô, a̱ hingir dedoo.

2 Peteru 3:9

Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema.