Mateu 18:12 - ICIGHAN BIBILO

¹² Ne mba henen nana? Aluer or nana lu a iyôngo akunduataan man u môm ken i ia tsume yô, nana kera undu i akunduanyiingber kar itiankarinyiin la sha iwo, nana yem nana za ker i i tsum la gaa?

Mateu 18:12 Iomraidhean Croise

1 Utor 21:17

Tsô imo i TER va hen Eliya Ortishibi kaa er:

Upasalmi 119:176

M tsume er iyôngo i i saa yô, ker wanakiriki Wou, gadia atindi a Ou hungul mo ga.

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yeremia 50:6

Ior Av, iyange ve lu er iyôngo i i ndiir yô; mbakuran mba i tsume a i, ve yem a i sha iwo; i zende wue wue sha iwo man agungu, ijiir i tsan i i hungul i.

Esekiel 34:12

Er orkuranilev ka nan tôv ikumile i nan sha iyange i nan lu ker atô u iyôngo i nan i i sambe i wue wue la, kape Mo kpaa Me tôv iyôngo Yam; Me yima i ken ajiir a i sambe i la cii, sha iyange i abeen man angôghime la.

Esekiel 34:16

Me ker kwagh u a saa yô, man Me hide a kwagh u a tsum kera la, man Me kange kwagh ua kever yô, man Me taver kwagh u a gbe angev yô; kpa kwagh u gban ikôr man u taver la, Me tim un kera; Me koso ve sha gbenda vough.

Esekiel 34:28

Vea kera lu ishar i akuraior ga, man inyamtoho kpaa ia kera ya ve ga, kpa vea tema bem bem, ma or nana kera ta ve mciem iyol ga.

Esekiel 34:4

I zunen la, ne taver i ga, i uange la ne sôr i ga, i i kever la, ne kange i ga, i i tsum la, ne hide a i ga, man i i saa la kpaa, ne ker i ga; kpa ka sha agee man sha ipila ne tem tor sha i ye.

Esekiel 34:6

Iyôngo Yam lu zenden kughukuku sha iwo cii, man sha hanma igungu u taven; een, i sambe iyôngo Yam sha tar wuee, man ma or u keren shin u tôvon i lu ga.

Mateu 12:11

Kpa A kaa a ve er: Ka hanmô wen nana lu a waniyôngo, man aluer una gba shin ihungwa sha iyange i memen yô, nana kôr un, nana dugh sha ga?

Mateu 18:13

Man aluer nana zua a i yô, mimi je M ngu kaan ne, m-ember u nana ember sha i la, una hemba u sha i akunduanyiingber kar itiankarinyiin i i tsum ga la.

Mateu 21:28

Ne mba nengen nana? Orgen lu a ônov uhar mba nomso; a va hen u hiihii la, a kaa er: Wan wam, yarem sule nyian.

Mateu 22:42

A kaa er: Ne nenge sha kwagh u Kristu nana? Ka Wan u ana? Ve kaa a Na er: Ka Wan u Davidi je.

1 Mbakorinte 10:15

M ngu ôron kwagh er ka i ôr a mbakavenkwagh yô. Kar nen kwagh u m kaan ne ne:

1 Peteru 2:25

Gadia ngise ne tsumen er iyôngo nahan kpa hegen yô, ne hide ken Orkuranilev man Orkuran u uuma enev.