Mateu 18:10 - ICIGHAN BIBILO

¹⁰ Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Mateu 18:10 Iomraidhean Croise

2 Samuel 14:28

Abesalom lu ken Yerusalem anyom kuma ahar je, kpa a nenge a ishigh ki tor ga.

1 Utor 22:19

Shi a kaa er: Nahan yô, ungwa ase imo i TER; m nenge TER tema sha ikônough Nagh ki torough, akum a Sha cii tile Un ken uwegh ku yanegh kua ku imesegh kpaa.

Eseter 1:14

mba ve dondo sha a na yô, lu: Karshena, Shetar, Ademata, Tarshishi, Merese, Marsena man Memukan, ka atiator a ataankarahar a Pershia man Media, mba ve kenger tor sha ishi je la, shi ka ve, ve tema mbahemenev mba hii hii ken tartor na ye, a pine ve er:

Upasalmi 15:4

sha mnenge u nan yô, dangor ka nan kwagh u lahan je; kpa nan ngu civir mba ve cie TER. Ka nana bum yô, shin a hingir u kwagh á va tser nan kpaa, nan gema kposo ga;

Upasalmi 17:15

Kpa mo yô, me nenge ishigh You ken perapera; zum u me nder yô, mluashe Wou una kumam.

Upasalmi 34:7

Ortyom u TER ka a haa afo a wa mbacian Un atô, a yima ve kpaa.

Upasalmi 91:11

gadia Una wa mbatyomov Nav kwagh sha a we, er ve̱ kuran we sha igbenda you cii;

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Sekaria 4:10

Gadia ka an nan laha iyange i akaa a kiriki laa? Gadia a ataankarahar ne, ka ashe a TER a a jingi a nengen tar cii la, aa ember, zum u aa nenge kor u sôron kwagh a min sha u a̱ lu jighilaa, sha uwegh ku Serubabel yô.

Mateu 1:20

Kpa ngur henen sha akaa ne nahan yô, ortyom u Ter va ande her a na ken mnya, kaa er: We, Yosev, wan u Davidi, de cie u eren kwase wou Maria ne ga, gadia kwagh u a jil un ken iyol la, ka u sha Icighan Jijingi je.

Mateu 12:20

Ijinga i hemben Una sombo i ga; mou u imenger u yughur mnyim kpaa, Una pir ga, zan zan Una za a ijir hemen, á ar sha mhembe.

Mateu 18:14

Kape i lu ishima i Ter wen u A lu Sha la, u mbakiriki mban, mô ve nana saa ga la.

Mateu 18:6

Kpa hanmô u nana na u môm ken mbakiriki mban mba ve nem jighjigh ne, gbev mbu nôngon yô, kwagh u a lu nan guda yô, ka u ma i zer nan zegenase sha mon, ma i gbihi shin iv i zegemnger.

Mateu 2:13

Tsô mba yemen kera yô, ortyom u Ter va ande hen Yosev ken mnyam ma ciem, kaa er: Mough, tôô Wan ne kua ngô Na, yevese yem ken Igipiti, za lu ker zan zan Mo man Me kaa u ye; gadia Herode una ker Wanikundan ne a ku.

Mateu 2:19

Kpa Herode va kpe kera yô, ortyom u Ter za ande hen Yosev ken mnyam ma cien ken Igipiti,

Mateu 24:31

Man Una tindi mbatyomov Nav a ikpamkor i kaan hweng, vea kohol uicuwanmbaiorov Nav sha avegher anyiin á hii ken ikighir ingila.

Luka 1:19

Ortyom la gema kaa a na er: Ka mo Gaberiel u m til sha ishigh ki Aôndo ne; i tindim er m̱ va ôr u kwagh, m̱ va u a loho u dedoo sha akaa ne.

Luka 10:16

U nan ongo ne yô, nan ngu ungwan Mo; u nan vende ne yô, nan ngu vendan Mo; man u nan vendem yô, ka u A tindim la je, nan vende ye.

Luka 16:22

Tsô or u sônon la va kpe, mbatyomov mba Shaav tôô un, za a mi ken ikum i Aberaham.

Aerenakaa A Mbaapostoli 10:3

A nenge gbar gbar ken mpase u sha mnenge lu er ahwa atar atetan nahan, ortyom u Aôndo va nyôr her a na, kaa a na er: Korneliu!

Aerenakaa A Mbaapostoli 12:15

Ve kaa a na er: U ngu hunden. Kpa a zer kaan heregh gbang gbang er, kape i lu je la. Ve kaa er: Nahan yô, ka ortyom na.

Aerenakaa A Mbaapostoli 12:23

Fese nahan ortyom u Ter tsaha un sha ci u a ne Aôndo icivir ga yô. Azôô ya un maa a kpe.

Aerenakaa A Mbaapostoli 27:23

Gadia hen tugh mbun je ortyom u Aôndo u m lu u Na, m civir Un kpaa la, a va tile a mo.

Aerenakaa A Mbaapostoli 5:19

Kpa ortyom u Ter ugen va bugh ihinda i gaadi la tugh, due a ve, kaa er:

Mbaromanu 14:10

Kpa we yô, ka nyi u ne anmgbian ibo? Shin ka nyi u laha anmgbian wouwe? Gadia se cii sé va tile sha ikônough ki ijirigh ki Aôndo.

Mbaromanu 14:21

Doo u yan inyam ga, shin u man msôrom kpaa ga, shin u eren nyityô kwagh i nan anmgbian wou anzughul la kpaa ga.

Mbaromanu 15:1

Se mba se lu a agee ne yô, ka u se̱ waan ishima a mbamyina mba mba ve taver ga la, se̱ keren kwagh u doon se ayol a ase la tsô ga.

1 Mbakorinte 11:22

Nahan yô, ne kera mba a uya mba né ya kwagh ker, né ma kwagh ker gaa? Shin ka nongo u Kristu u Aôndo ne lahan ve ne ne mba ve lu a kwagh ga la iheene? Tsô me kaa ne nana? Me wuese nee? Sha kwagh ne yô, m ngu wuese ne ga.

1 Mbakorinte 16:11

Nahan yô, ma or nana̱ de lahan un ga. Kpa wa nen un ikav bem bem, a̱ va, a̱ va kohol mo. Gadia m ngu keghen un a anmgbianev.

1 Mbakorinte 9:22

Aseeraior yô, m hingir ve er ka isheeror nahan sha u me kôr aseeraior yô. Ior cii m hingir ve hanma kwagh cii, sha u a lu nan nan kpaa, me yima mbagenev yô.

2 Mbakorinte 10:1

Mo Paulu iyol yam m ngu zamber a ven sha ishima i legh legh man ishima i sar sar i Kristu, mo u m lu or u cian kwagh sha ishigh yenegh zum u m lu a ven la, kpa ka mea lu a ven her ga yô, m hingir u cihin kwagh.

2 Mbakorinte 10:10

Gadia mba kaan er uwashika nav yô, mba norom sha kwagh, shi ve taver kpaa, kpa u nengen a na sha ashe yô, ka iurenor, kwaghôron na kpaa ka u ikoogh ga.

Mbagalatia 6:1

Anmgbianev av, aluer a kohol or a ma gbev mbu nôngon ave yô, ne mba ne lu ken jijingi yô, kôôm nen imbaor la sha ishima i legh legh; kpa nenge sha iyol you sha er we kpaa i̱ de meen we ga yô.

1 Mbatesalonika 4:8

Nahan yô, or u nan vende kwagh ne yô, kera ka or nan vende ga, kpa ka Aôndo je u A ne ne Icighan Jijingi Na yô.

1 Timoteu 4:12

Ma or nana̱ de lahan we er u ngu wanye ga, kpa hingir mbananjighjigh ikav sha kwaghôron man sha zende man sha dooshima man sha jighjigh u nan man mlu u wang kpaa.

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?

Mbaheberu 9:24

Gadia Kristu kera nyôr ken icighanjiir u i er sha ave a ior ga, u a lu eev mbu u mimi la kpaa ga, kpa lu Sha jim jim, sha u Una ande sha ishigh ki Aôndo sha ci wase,

Mpase U Yohane 8:2

Tsô m nenge mbatyomov mba Shaav mba utaankaruhar mba ve til sha ishigh ki Aôndo la, i na ve ikor i tôngon itiankarihiar.