Mateu 17:27 - ICIGHAN BIBILO

²⁷ Kpa sha u se na ve gbev mbu nôngon ga yô, za shin kpe u zegemnger, za kende tsuwe, tôô ishu i wea vande kôron la; ú bughun i zwa yô, ú zua a shekel môm; tôô, za na ve sha ci Wam vea we.

Mateu 17:27 Iomraidhean Croise

Genese 1:28

Aôndo ver ve doo doo; Aôndo kaa a ve er: Mar nen kpishi, seer nen ngeen, iv nen tar, gema nen u, u̱ lu sha ikev yen; ishu i shin zegemnger man inyom i purugh sha kwavaôndo man hanma kwagh u uma u a zenden sha tar cii, ve̱ lu sha ikev yen.

1 Utor 17:4

Yô, gbaa man mngerem ma uwagh la tsô; M kaa ugugôô Mer, ve̱ gba koson we ker tsô.

Upasalmi 8:8

inyon i sha aôndo, man ishu i shin zegemnger, hanma kwagh u a zenden sha igbenda i shin zegemnger kpaa.

Yona 1:17

Yô, TER vande veren zegeishu sha u a̱ mena Yona; nahan Yona tsa ken iyav mbu ishu ayange atar man aime di atar.

Yona 2:10

Tsô TER ôr kwagh a ishu la, nahan i za suwa Yona sha tar.

Mateu 17:26

Peteru kaa er: Ka hen mbavannya. Tsô Yesu kaa a na er: Nahan ônov yô, ve tema enger enger.

Mateu 18:6

Kpa hanmô u nana na u môm ken mbakiriki mban mba ve nem jighjigh ne, gbev mbu nôngon yô, kwagh u a lu nan guda yô, ka u ma i zer nan zegenase sha mon, ma i gbihi shin iv i zegemnger.

Mateu 18:8

Man aluer uwegh ough shin nguhar wou vea na u gbev mbu nôngon yô, tôndo ve, ta kera; u ú nyôr ken uma a iwan shin msombo yô, ka u guda a u ma u lu a ave ahar shin angahar ahar, ma i gbihi u ken icôronusu la.

Mateu 5:29

Man aluer ishe you i ken iyan ia na u anzughul yô, dugh i, ta kera; gadia á lu u guda u ilyeegh you i môm ki saa a u ma i gbihi iyol you jimin ken gehena la.

Mateu 5:30

Man shi aluer uwegh ough ku yanegh kua na u anzughul yô, tôndo ku, ta kera, gadia á lu u guda u ilyeegh you i môm ki saa, a u iyol you jimin ma i nyer ken gehena la.

Marku 9:42

Man shi hanmô u nana na u môm ken mbakiriki mban mba ve nem jighjigh ne, gbev mbu nôngon yô, kwagh u a lu nan guda yô, ka u ma i har nan zegenase sha mon ma i kende nan shin zegemnger.

Marku 9:43

Man shi aluer uwegh ough kua na u gbev mbu nôngon yô, tôndo ku kera; u ú nyôr ken uma a iwan yô, ka u guda a u lun a ave ahar geman nyôron ken gehena, ken usu u pirin mayange ga la [

Luka 17:2

Kwagh u a lu nan guda yô, ka u ma i har nan nase sha mon, ma i gbihi shin zegemnger, a u ma nan ne u môm ken mbakiriki mban gbev mbu nôngon yô.

YOHANE 6:61

Kpa Yesu fe er mbahenen Nav lu unun shin iker sha kwagh la yô, A kaa a ve er: Kwagh ne na ne gbev mbu nôngonôô?

Mbaromanu 14:21

Doo u yan inyam ga, shin u man msôrom kpaa ga, shin u eren nyityô kwagh i nan anmgbian wou anzughul la kpaa ga.

1 Mbakorinte 8:13

Nahan yô, aluer kwaghyan una hingir ityôkwagh i nan anmgbian wam gbev mbu nôngon yô, mayange me kera ya inyam ga, sha u i̱ de ne anmgbian wam gbev mbu nôngon ga yô.

1 Mbakorinte 8:9

Kpa kura nen ayol, tahav enev mbula mbu̱ de hingir mba ve taver ga la ityôikaa i nôngon gbev ga.

2 Mbakorinte 6:3

Se mba nan ityôkwagh i nôngon gbev sha ma gbenda môm je ga, sha u i̱ de teren tom wase sha kwagh u dang ga yô,

2 Mbakorinte 8:9

Gadia ne fa mrumun u sha mhôôn u Ter wase Yesu Kristu la. A ngee a akaa kpa A gema A hingir or u ibanave sha ci wen, sha u ne ne̱ gema ne̱ hingir mbanyarev sha ibanave Na la.

1 Mbatesalonika 5:22

Nyagh nen hanma inja i kwaghbo cii.

Yakobu 2:5

Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?