Mateu 16:3 - ICIGHAN BIBILO

³ A lu pepe yô, ne kaan ner: Nyian Aôndo kohol ura gadia nyian sha man abeen due. Ne mba kaven akaa a sha kwavaôndo, kpa ne mba fetyô u kaven uivande mba ve tesen mlu u ashighe gaa?].

Mateu 16:3 Iomraidhean Croise

1 Kroniku 12:32

Mbaisakar, ior mba ve fa ashighe, nahan ve fa kwagh u a doo u Iserael una er yô, ve lu mbavesen ior deri uhar a anmgbianev vev cii mba ve lu sha ikev ve la kpaa.

Mateu 11:5

mbaapirashe mba nengen kera, man mbasombon mba zenden, wanger mbaamandev iyol, mbakondonato mba ungwan; mba nderen mbakpenev, man mba ôron mbaatsanev Loho u Dedoo.

Mateu 15:7

Ne mbaimangerev, kwagh u Yesaia tsengaôron sha a ven yô, ka vough je, er lu kaa er:

Mateu 22:18

Kpa Yesu kav ifer ve, A kaa er: Ka nyi ne karen Mo, ne mbaatsereghev?

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

Mateu 4:23

Tsô Yesu zende ken tar u Galilia cii, lu tesen ken ushinagoge vev, lu ôron Loho u Dedoo u tartor, lu been ior hanma injauange man shi hanma mtseenem kpaa.

Mateu 7:5

We, orimangeregh ne, vande dughun gungurkon ken ishe you kera, nahan man u nenge dedoo sha u ú za dugh anivurkon la ken ishe i anmgbian wou kera ye.

Luka 11:44

Kwagh á tser ne! gadia ne mba vough er iwar i i nengen a i ga la nahan, mba zenden sha mi kpaa mba fe ga.

Luka 12:56

Ne mbaimangerev, ne fa u tôvon sha anzaakaa a shin tar man a sha kwavaôndo, kpa er nan man ne kera fe u tôvon kwagh u shighe ne ga?

Luka 13:15

Kpa Ter gema kaa a na er: Ne mbaimangerev, hanmô wen kpaa ka nan sagh bua u nan shin jaki i nan hen anar u haan ilev kwaghyan shimi sha iyange i memen, nan za na un mngerem er a̱ ma gaa?

Mbaheberu 5:14

Kpa kwaghyan u taver yô, ngu sha ci u mbaganden, ka ve mba ve er tom sha mkav u ken ishima la, hoghor ve u paven kwagh u dedoo a kwagh u bo.