Mateu 16:19 - ICIGHAN BIBILO

¹⁹ Man shi Me na u uishindan mba tartor u Sha; hanma kwagh u wea kange shin tar ne yô, una lu uikangen Sha, man hanma kwagh u wea sagh un shin tar ne yô, á sagh un Sha kpaa.

Mateu 16:19 Iomraidhean Croise

Yesaia 22:22

Me gema ishindan i ya u Davidi Me penda un sha avande na, una bugh man orwuhen nana lu ga, una wuhe man orbughun kpaa nana lu ga.

Mateu 18:18

Mimi je M kaan ne ne, hanma kwagh u ne kange shin tar ne, una lu uikangen Sha kpaa; man shi hanma kwagh u ne sagh shin tar ne yô, á sagh un Sha kpaa.

YOHANE 20:23

Aluer ne de ior asorabo a ve yô, i de ve a je ve; man aluer ne de ve asorabo a ve ga yô, i de ve a ga je ve.

Aerenakaa A Mbaapostoli 15:7

Zum u akperan mough ngegh yô, Peteru mough tile sha, kaa a ve er: Anmgbianev, ne ayol a en ne fa sha ayange a tsuaa la Aôndo tsuwam ken a ven sha u i̱ lu sha zwa wam je man atôatyev a̱ ungwa kwaghôron u Loho u Dedoo, a̱ na Jighjigh kpaa ye.

2 Mbakorinte 2:10

Or u ne de nan kwagh yô, mo kpaa m de nan. Aluer mea de kwagh kpaa, kwagh u m de la, ka sha ci wen sha ishigh ki Kristu.

1 Mbatesalonika 4:8

Nahan yô, or u nan vende kwagh ne yô, kera ka or nan vende ga, kpa ka Aôndo je u A ne ne Icighan Jijingi Na yô.

Mpase U Yohane 1:18

shi M ngu uma; lu M kpe, kpa nenge, shi M ngu uma gbem sha won, man M ngu a ishindan i kuugh man i Hade kpaa.

Mpase U Yohane 11:6

Ve yô, mba a tahav mbu cirin Sha sha er ma ura u̱ de nee sha ayange a ve lu ôron kwaghôron u profeti la ga yô, shi mba a tahav sha mnger sha u geman ma ma hingir awambe, man shi u haan hanma injacan sha tar, hanma shighe u i sar ve cii.

Mpase U Yohane 3:7

Nger hen ortyom u nongo u Kristu u hen Filadelfia wer: Un u A lu icighan, A lu u mimi, u A lu a ishindan i Davidi la, Una bugh yô, ma or nana kera senda ga, Una senda yô, ma or nana kera bugh ga la, ngu ôron akaa ne nahan er:

Mpase U Yohane 9:1

Ortyom u Sha u sha utaan kpaa tôngo, tsô m nenge ishan i i osough Sha i gbe shin tar la, man i na un ishindan u ihungwa i i ze kweng la.