Mateu 16:18 - ICIGHAN BIBILO

¹⁸ Man M ngu kaan we Mer: We u ngu Peteru; ka sha vande ne je Me maa nongo Wam ye, ihinda i Hade ia hemba u agee ga.

Mateu 16:18 Iomraidhean Croise

Genese 22:17

Me ver u doo doo, Me seer tsombor wou iyenge er asan a Sha man er waarawa u shin kpezegemnger nahan; tsombor wou ua ngohol hundagar u mbaihomov mba u, ua hingir u ve;

2 Samuel 18:4

Tsô tor kaa a ve er: Kwagh u ne nenge a doo yô, me er. Nahan tor tile hen hundagar, ior cii gba duen deri deri man dubu dubu.

Yobu 38:17

I pase u kwagh u ihinda i kuugh kpa? U nenge ihinda i mure u kuugh mayange kpa?

Upasalmi 107:18

hanma injakwaghyan cii, ndôhôr ve ishima, ve mgbôghom a ihinda i kuugh.

Upasalmi 127:5

Saan or u gbande u nan a iv a ve la, iyol! kunya ua kôr ve ga, zum u vea ôron kwagh a mbaihomov vev sha hundagar yô. Ka icam i zan iniongo

Upasalmi 129:2

“Ve erem ican kpishi, hii er m lu iyev la je, nahan kpaa ve hembam ga;

Upasalmi 69:12

Mba ve tem hen hundagar yô, mba ôron kwagh wam; m hingir icam i mbahundenmsôrom wan.

Upasalmi 9:13

TERE, zungwem mhôônom; nenge ican yam, i m ye sha ikev i mba ve kerem ihom la, We u U kendem sha hen ihinda i kuugh ne,

Anzaakaa 24:7

Kwaghfan tav mimi, a hemba ibumeor, nan bughun zwa hen hundagar ga.

Yesaia 28:16

Nahan yô, Ter AÔNDO ngu kaan nahan er: Nenge, M tim iwen ken Shion Mer, i̱ lu imagh, iwen i i kar i, iwen i injaa i sha zongo, i imagh ki i, ki lu dông yô; u nan ne jighjigh yô, nan kumbur sha kwagh ga.

Yesaia 28:6

man jijingi u ijirigh u or u nan tem sha u ôron ijir la, man agee a mba ve daan ityav sha ihinda ve hidi a mi ijime yô.

Yesaia 38:10

M kaa mer: Er ayange am a shi her doo doo nahan kpaa gba u m̱ yem, m̱ nyôr ken ihinda i Sheol; i nyumem anyom a a shim her yô.

Yesaia 54:17

Hanma ityumugh ki i var sha ci u vihin we iyol, ikôl ia lagh ki ga; hanma zwa u ua mough ua hendan a we sha ijir kpaa, ú hemba u. Kwagh ne ka dyako u mbayev mba TER kua perapera ve u a dugh her a Mo je ne, kape TER A kaa la.

Yona 2:6

M mire zan zan m ar shin atô a iwoogh; uishindan mba tar wuhem kera gbem sha won; nahan kpa U dugh uma wam shin ihungwa, TERE, Aôndo wam.

Mateu 10:2

Ati a mbaapostoli mba pue kar uhar mbala yô, ka a ne: u hiihii lu Shimon u i yilan er Peteru la, man anngô na Yohane;

Mateu 11:23

Man we Kapernahum, á kende u sha aôndo jee? ka shin Hade ú za ye; gadia a lu ken Sodom man a er ityom i ageegh er i er ken a we nahan ne yô, ma a lu her zan zan nyian ne.

Mateu 18:17

Man aluer una ungwa mbala kpaa ga yô, za kaa nongo u Kristu; man shi una ungwa nongo u Kristu kpaa ga yô, a̱ hingir we er ka ortyôtyev man orngoholkpandegh nahan.

Mateu 4:18

Ngur teran hen kpe u zegemnger u Galilia yô, A nenge a anngôôv uhar, lu Shimon u i yilan er, Peteru la, man shi anngô na Anderia, ve lu haan ukper shi zegemnger, gadia ve lu mbakôron ishu.

Mateu 7:24

Hanma or u nan ongo akaaôron Am ne man nan eren sha a yô, á kar nan sha orfankwagh u nan maa iyou i nan sha vande.

YOHANE 1:42

A kua a na a va a na hen Yesu. Yesu kenger un kaa er: We u ngu Shimon, wan u Yona, á masen yilan we er Kefa (inja na yô er Peteru).

Aerenakaa A Mbaapostoli 2:47

ve lu wuese Aôndo, ior cii kpaa lu rumun ve. Ter lu seer mba i lu yiman ve la sha iyenge ve ayange ayange.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Aerenakaa A Mbaapostoli 8:1

Saulu kpaa lu rumun ku na. Tsô hen ayange la zegemtev u sha ican mough sha nongo u Kristu u u lu ken Yerusalem la. Ve cii i sambe ve ken ityar i Yudia man i Samaria, mase shin mbaapostoli tseegh.

1 Mbakorinte 15:55

Yô, ku, mhembe wou ngu hana? Ku, soho wou ngu hana?

Mbagalatia 2:9

Zum u ve kav mrumun u sha mhôôn u i nam la yô, Yakobu man Kefa kua Yohane mba i nenge ve er ka mtuunummbaiorom yô, ve na, mo kua Barnaba uwegh ku yanegh ku mzough sha er se se za ken atôatyev, ve di vea za ken mbaicôngo.

Mbaefese 3:10

Ka sha u hegen nongo u Kristu u̱ pase mbatarev man mbautahav mba sha ajiir a Sha la ve̱ fa kwaghfan u Aôndo u a dumbur la,

Mbaefese 5:32

Kwagh u myer ne vese tsô kpa m ngu ôron ka sha Kristu man sha nongo Na.

Mbakolose 1:18

Ka Un kpaa A lu ityough ki iyolough ye, ka nongo u Kristu je la. Ka Un A lu mhii ye, ka Waniunda u ken mbakpenev, sha er Un Una lu u hiihii ken akaa cii yô.

1 Timoteu 3:15

sha u aluer me timbir kpaa, ú fa er i doo u eren ken ya u Aôndo, ka nongo u Kristu u Aôndo u uma je la, ka ityôgh man imagh ki mimi a suur sha mi yô.

1 Timoteu 3:5

(Gadia aluer or nana fa u nengen sha ya u nan ga yô, á er nan man nana kura nongo u Kristu u Aôndo?)

Mbaheberu 12:28

Nahan yô, se ember nen er se ngohol tartor u u lu u tenger ga yô, ka nahan man sé er Aôndo tom u u doo Un ye, sha mcieaôndo man iyol i sulen.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 21:14

Gilgar u gar la lu a amagh pue kar uhar, i nger ati pue kar ahar a mbaapostoli mba pue kar uhar mba Waniyôngo sha mi.